《龍珠》呢套日漫可以話係絕對的不朽傳奇，本來正統故事於1995年布歐篇後已經完結，但卻仍然不斷發展，好似《龍珠GT》、《龍珠超》及多套劇場版電影不斷推出，並且一呼百應全球Fans多不勝數。雖然《龍珠》深受廣大Fans支持，但卻有一樣野難到佢，講緊嘅就係真人版電影。

其實由大熱漫畫發展推出真人版電影嘅作品有好多，而擁有出色故事及Fans嘅《龍珠》改篇成真人版電影理應令Fans們非常期待，但你會發現無乜人期待之餘，作品就更加只有一部，就係2009年由Fox電影公司推出由周星馳有份監製嘅《龍珠：全新進化》。

如果有睇呢套由外國人主演嘅《龍珠：全新進化》(發哥都有份)，相信你一定會講晒粗口，又或覺得佢完全係用龍珠個名黎呃飯食。而唔知係咪因為呢套龍珠真人版電影嘅失敗，令龍珠過去10年都無真人版電影出現。

不過，收購左Fox電影公司因此擁有《龍珠》電影版權嘅迪士尼，近日就有指佢地有意開拍新一套《龍珠》真人版電影，而今次將會全數動用亞洲演員，究竟今次可唔可以收服失地，定還是再一次失敗收場呢？不過大佬今次你點都比啲誠意，起碼變成做超級撒亞人一次咁多呀...

波特先生我反而推薦下面呢套由Fans製作嘅人造人未來篇更精彩更具質素：