如果要數現今最受歡迎嘅漫畫，相信十居其九都覺得係《海賊王》，呢部由1997年7月開始連載嘅作品至今已經22年，並發行左94部單行本。不過，呢部人氣大作今年差啲就被另一部2016年先開始連載，並第一本單行本只係賣出2萬本嘅作品超越，講緊嘅就係《鬼滅之刃》。

雖然已經連載左22年，但係《海賊王》嘅聲勢仍然係有增無減，並據統計其2019年嘅漫畫銷售量達到1270萬本，排名銷量榜第一位。而第二位嘅就可能令唔少人估佢唔到，因為佢成功壓倒《一拳超人》、《我的英雄學園》等人氣漫畫，佢就係《鬼滅之刃》，其2019年銷量達到1080萬本，。

《鬼滅之刃》能夠佔據銷量榜第二位，對於唔少人黎講都係喜出望外的，因為呢部漫畫連載初期並不受歡迎，人氣極低，甚至作者都有諗過作品會好快被終止。但當故事去到某一個點卻迎來逆襲，《鬼滅之刃》一下子被高度關注，其後漫畫作品亦被看中製作成動漫，高畫質嘅水平令呢部漫畫支持者爆炸性地增長。

如果《鬼滅之刃》能夠Keep住水準，而加上之前作者尾田透露《海賊王》預計五年內會完結，屆時佔據銷量榜第一位嘅可能就係《鬼滅之刃》嘅世界了。