如果大家有睇過《屍殺片場》呢套超級日本cult片神作，相信大家都會同意大部份人睇完呢套電影都好似中左邪咁一傳十、十傳百推薦大家入場觀看。因為實在太過「正斗」，用300萬日元製作成本大賺全球的票房呢D數字遊戲我無咩興趣，但導演上田慎一郎推出第二套正式長電影《茄哩啡事務所》就一定要推薦介紹。前作《屍殺片場》四個字已經係賣點，都唔駛多講，不過成敗也因此而來，通常奇蹟之後最難的係繼續有奇蹟，今次故事玩返「做戲」阻止邪教組織。上田慎一郎的電影首先係入場前唔好知太多，切勿劇透。其次是預左唔會有咩天皇巨星，繼續大量起用素人演出。如果要我去簡介一下，就係日本「喜劇之王」，又係電影人的故事，對上一部日本我最愛同類感動爆笑作品數到喜劇大師三谷幸喜的《黑幫有個荷里活》。

上田慎一郎第二部長片作品《茄哩啡事務所》繼續玩刀仔鋸大樹,這次上田導演依舊大量採用素人演員，而且學王家衛拍攝方式，無寫好哂劇本就開拍，以「原創至上」x「發掘演員」的精神，係1500 名試鏡演員當中選出別具個性嘅15位演員參與培訓同埋拍攝，再根據呢15位演員嘅個人特色度身訂做出每個人最大發揮的角色和故事。 聽落都相當無厘頭， 不過難以猜度正正係呢位導演成功之處。

今次第二部作品倍受期待實際上為導演帶嚟嘅係重大嘅包袱同壓力，好多人觀望呢部新作品都係兩種態度一係就極之期待一係就係睇你點死。要再一次為世人帶來驚喜 ，係難度十級的樽頸。相信大家入場前都唔好抱過大的期望。導演喺訪問中亦都講到呢個係佢「人生第一次感到壓力這麼大」。 因此電影開拍嘅時候劇本僅僅完成20頁就完全放棄。 最後決定同演員們一齊通過腦震盪嘅方式一路拍一路改， 最後呢部《茄哩啡事務所》成個故事由原本開拍前構想講失意潦倒超能力者打敗恐怖分子的科幻電影作，拍拍下變左而家的完全唔同的劇情同完成的作品。 講來講去咁到底而家呢套戲講咩呢？

我覺得臺灣的預告會較易理解，不過佢的電影其實入場前唔駛點理解最好！

根據電影映前簡介，主角大野和人(大澤數人)為一名失業演員一緊張就會暈低，作為演員事業一事無成,，某日與親生細佬大野宏樹(河野宏紀)事隔多年後再重遇，並跟隨佢加入名為「Special Actors」的事務所，佢地除了參與電影和電視劇工作之外，同時接受各種委託及咨詢。某日一位名為津川祐未(小川未祐)的少女來到事務所，希望阻止一個賣「幸福丸」的邪教集團並保護其家族旅館。男主角一行人為左對抗邪教, 面對意想打不到的結局。 

最後導演上田慎一郎成功完成作品之後大讚佢嘅素人演員們：「想睇厲害的俊男美女，大家睇主流的大電影就可以了。我這次的電影，所選的雖然都是一般素人，但本身的個性都係相當有魅力的人。」 

《茄哩啡事務所》已經係11月28日全線上映緊，我的推薦只需要一句「一定要睇！」好很好笑............