{ SKIP }
文:MenClub 摯樂  圖:互聯網
POSTED ON 14 Jan 2020
【Marvel回來了】《黑寡婦》預告強勢閃出好多《黑寡婦》

《黑寡婦 Black Widow》今日推出第二部預告

萬眾期待Marvel第四階段的頭砲《黑寡婦 Black Widow》獨立電影終於推出預告啦,今次的故事係黑寡婦死前的前傳,時間軸係《美國隊長3:英雄內戰》之後當黑寡婦放走美國隊長同寒冬戰士之後被通緝、流亡的遭遇,故事一直發展到通連《復仇者聯盟3:無限之戰》。作為一部起源故事,當然有 Black Widow出身同過去經歷,預告就透露咗相關嘅訊息, 讓Marvel狂迷為十分期待, 明年4月,到底大家是否可以歡歡喜喜去了解 《黑寡婦 Black Widow》起源?

「黑寡婦」的身世係復仇者當中係較少資訊的一位,而我地較為理解「黑寡婦」Natasha Romanoff 的身世係來自《復仇者聯盟4》,當電影黑寡婦同鷹眼去到宇宙中心「Vomir」搶「靈魂寶石」的時候,看守者紅骷髏就爆左黑寡婦「老豆」個名叫「Ivan」,而根據不完全的漫畫原著(注意電影又未必跟!),1942年有一個叫做Ivan Petrovich嘅蘇聯特工係史達林格勒戰役中意外獲得了小小Natasha的撫養權,並且將佢放左落去蘇聯「黑寡婦培訓計劃」。

無錯,「黑寡婦」係一個組織,預告中可見有好多「黑寡婦」一齊受訓,係Marvel宇宙中「黑寡婦」原本係一個虛構的女間諜秘密培訓計畫,出產的女間諜就叫「黑寡婦」,所以施嘉莉祖安遜飾演嘅就係「黑寡婦-娜塔莎羅曼諾夫」,而預告中見到的另一位由Rachel Weisz 所飾演的「黑寡婦- Melina」以及 Florence Pugh 飾演的「黑寡婦- Yelena Belova」。就係佢地的姐妹團。而電影中Florence Pugh 的「黑寡婦-Yelena Belova」戲份相當重,所以有可能成為未來的新Marvel黑寡婦。

此外,預告中出現肥版蘇聯隊長「紅色守衛者」Red Guardian,角色原本是一個前蘇聯的空軍,同美國隊長唔同的係佢應該不是不死不老身,所以電影中當黑寡婦搵返佢時已經成為蘇聯解體後的中年肥佬。

《黑寡婦》電影大家最期待的除左已經肯定無的R級內容外,就應該係關鍵詞語「布達佩斯」,到底「布達佩斯」發生咩野事?《黑寡婦》電影暫時的演員陣容列表中其實係見唔到有「鷹眼」 Jeremy Renner,所以分叉的感情線可能落入同肥佬「紅色守衛者」Red Guardian當中。想知「布達佩斯」可能要睇返「鷹眼」的迪士尼電視劇。

而今次電影中的主要敵人,相信係一個來歷不明的超級罪犯「模仿大師 Taskmaster」,佢擁有只要親眼見過的對方的戰鬥技巧之後,就可以完美複製並親身使用的能力,係電影中「黑寡婦們」面對的一大對手。而故事既然發生喺《美國隊長3:英雄內戰》與《復仇者聯盟3:無限之戰》之間,鐵甲奇俠(Iron Man)自然有出場的機會,但點出場是否只係客串過場就未知啦。



《黑寡婦》電影的時間軸其實都相當有趣,因為同一時間內其實仲發生緊好多事,「漫威電影宇宙」係相連互通,呢段時間內《奇異博士》、《銀河守護隊2》、《蜘蛛俠:強勢回歸》、《雷神奇俠3:諸神黃昏》、《黑豹》、《蟻俠2:黃蜂女現》六部作品都係同一段時間軸內發生。當中故事會唔會有相交互動就係一個有趣的期待。

總之,Marvel第四階段又回來啦,你準備好未呀。Marvel Studios《黑寡婦》 2020年4月強勢獻映!

官方電影簡介:


Marvel電影宇宙昂然進入第四階段,《黑寡婦》個人電影為這全新里程打頭陣!揭開「黑寡婦」娜塔莎(施嘉莉祖安遜 飾演)不為人知的過去、她的神秘間諜生涯,解開Marvel電影宇宙埋下的伏線和謎團,更要面對誓把她置諸死地的強大對手全新角色,可以預期「黑寡婦」將會打得更激去得更盡,動作大場面和全球歷險肯定又再超越前作刺激精彩無比!

以作品計銷售量比起第二至第十名加埋都多
hobby
日漫上半年銷售榜 《鬼滅之刃》包辦頭十九名
29 May 2020
【朱克伯格!服務大家】Facebook望搵到方法香港共存配合適應國安法 Facebook行政總裁朱克伯格被人問到香港問題時就話,佢正密切留意中美呢一場全球範圍嘅意識形態抗爭(battle of ideas),希望自己Facebook可以 ...
hobby
【朱克伯格!服務大家】Facebook望搵到方法香港共存配合適應國安法 ...
29 May 2020