近年無線藍芽耳機興起，各大大小小嘅品牌都推出相關產品，可能大家睇到都有啲悶，市場有冇啲新嘅變化同突破呢？有呀，JBL就破格係眾籌平台indiegogo推出「太陽能」無線耳機《REFLECT Eternal 》，完全將續航力呢個問題解決。將太陽能轉化做電能，就可以聽之不盡荒島長用，問題可能是別忘記耳機係要配合其他裝置先出到聲。記住以後係家中放盆栽嘅地方掛多一對耳機，每朝早畀佢曬一曬充充電，我一早講過新出嘅無線耳機唔需要再擔心續航力。

相信好多人對於佢太陽能呢個能量轉換概念相當有興趣，其實坊間已經有太陽能鍵盤，都係差唔多。呢隻REFLECT Eternal 耳機用 瑞典科技公司Exeger 的 Powerfoyle 材料將自然光和人造光都轉換為電能。據廠方介紹，喺充滿光嘅情況之下自己可以同時充電同播放。 如果你帶住你隻耳機出去曬太陽1.5小時， 能量轉移你就可以擁有68小時嘅播放時間。再勁d你帶住佢出去戶外曬足兩小時， 耳機仲可以一下子充夠168個小時嘅播放時間，即係話只要有光就算喺荒島你都可以無限使用呢款無線耳機，絕對係可持續的環保先峰，氣候拯救者《時代周刊》年度風雲之選擇！

又返返嚟傳統最悶嘅一環，JBL REFLECT Eternal 無線耳機使用40mm驅動單元，提供 20HZ 至 2o kHZ 響應頻率音質。耳機支援免提通話, 可調較Ambient Awareness環境感知技術即聽到週圍環境聲，輕輕一觸激活自由通話TalkThru自由通話模式，自動降低耳機音量，可以係唔除低耳機的同時，與他人進行清晰交流。同時還有來自Google Assistant 或 Amazon Alexa的智能語音助手和多點藍芽連接，讓用家可以輕鬆切換設備。耳機擁有 IPX4 防水等級，可以有限度係戶外直接使用。簡單講佢係一集實實際際堅對應當下的無線藍芽耳機。唔記得講，如果核爆永無陽光烏雲蓋天，你可以用USB叉電，只需 15 分鐘即可提供兩小時的播放時間，核爆都唔驚。

 JBL REFLECT Eternal 耳機選擇網上眾籌形式公開預售， 暫時可以話係成功因為募集嘅資金已經達標，根據目標，廠方希望係2020年10月前推出實際量產品。 網上提早眾籌購買當年喺價格上有優惠，超級早鳥優惠價美金$75元已經搶購一空， 目前網絡睇到仲有771元港幣和1005元港幣兩個選項，兩個價錢有乜分別？ 冇呀學林鄭鍾意畀500蚊乞丐係個人選擇。所以網上暫時未見有人付1005元選項，覺得佢設計得好好嘅咪畀多啲囉。有興趣嘅快啲上去搶啦，太陽能就係我哋永續未來， 可以預計好多其他產品都陸陸續續將會推出太陽能化，遲下基本法都可能推出太陽能可持續發展永續方案。