除左日本AV之外，世上最強勁打真軍的藝人肯定係湯告魯斯老師 (Tom Cruise)，佢每拍一種動作電影都親自學習親身上陣，無論追車，電單車，單手捉住直升機到近期為左壯志凌雲真係去學揸戰鬥機。一早就有傳說湯告魯斯為左學駕馭戰鬥飛機，電影延遲左成年先完成。呢個傳說近日係《壯志凌雲：獨行俠》電影公司發放的幕後花絮中得到印證，可見六部拍攝機全方位影住佢親自駕駛戰鬥機接受8G飛行引力，睇到同傳說個種感覺差好遠，望住57歲湯告魯斯，再長氣都要再膜拜多一次！堅

正如好多藝人都話識駕駛飛機，成龍同吳京都上過駕駛飛機的課程，都係話天賦過人，而實際擁有駕駛飛機資格的藝人都唔少，包括巴斯光年輕輕鬆鬆鄧梓峰，但能夠駕駛戰鬥飛機應該係得湯告魯斯同普京可以做到。實在是讓人佩服到六體投地。 

幕後花絮：

湯告魯斯強調自己電影中拍攝嘅時候盡量避免使用CGI特技，一般戰鬥機電影唔會展現到駕駛員喺高速飛行當中面部表情嘅變化， 因為喺之前幾乎沒有電影真係去戰鬥機入面實況飛行拍攝， 呢種演出係電腦好難模擬到出嚟，劇組拍攝嘅時候據聞有7.5到8G嘅強大引力得同於725公斤左右嘅引力 ，喺電影花絮之中可以見到演員Danny Ramirez辛苦到就嚟嘔嘅表情， 湯告魯斯開心表示唔係扮出嚟呀，係最真實的反映，搵命博的電影拍攝。

《壯志凌雲：獨行俠》電影中可以睇到湯告魯斯飾演的「獨行俠」(Pete Mitchell) ，在多年之後再次回到軍中，開始負責訓練「Top Gun」計畫的新世代飛行員們面對一場特殊任務。

細細個就接觸過一課書叫做敬業樂業， 相信大家對於課文已經唔再記得， 但係當你見到湯告魯斯佢個頭就好像刻住敬業樂業四個字， 真係生仔當如「湯告老師」。 當然我唔會因為咁就同你講你一定要入場睇《壯志凌雲：獨行俠》，但我會同你講睇湯告魯斯嘅動作電影其實有今生冇來世係一種極致嘅享受