《星球大戰》系列全球擁有唔少Fans，而其中主角們用到嘅一樣武器「光劍」就更加係電影嘅招牌之一，亦都係唔少Fans夢寐以求希望擁有嘅道具。不過，一把真正嘅「光劍」以目前世界嘅科技仲未可以完美製造出來，但外國就有人模擬造出一把非常接近「光劍」嘅劍。

由於《星戰》系列Fans眾多，所以外界有唔少供市民購買嘅玩具「光劍」，但呢類型嘅「光劍」實際用途不大，只用作玩耍或收藏之用。不過外國一名Youtuber Hacksmith就唔甘於只係得一把睇得唔用得嘅「光劍」，所以自行研究終於比佢整到一把以高壓電為主嘅超高溫，真正含有攻擊力嘅「光劍」。

Hacksmith呢把「光劍」產生出嘅高溫達到華氏3000度，同時帶有2萬伏特嘅電，一野劈落去連金屬都能夠溶掉劈開。而由於高溫之下劍身會登出火紅色，所以當玩場較暗之下感覺真係好似一把「光劍」。

不過由於「光劍」劍身極高溫，所以使用者一唔小心亦都會令自己受傷，讀者們真係唔好亂咁試呀。