日本漫畫《一拳超人》自2012年起開始連載，人氣不斷攀升，去年繼續深受一眾漫畫粉絲愛戴。同時以《一拳超人》故事為主嘅電子遊戲進一步應運而生，而為左喺香港宣傳遊戲，遊戲官方特意搵人扮演漫畫當中嘅角色，唔知你又覺得扮得似唔似呢？

作為《一拳超人》嘅主角琦玉，其特點就係鵝蛋型嘅光頭，遊戲官方就請黎「排長」戴耀明黎出演，目前已經貴為內地「男一」嘅戴耀明可謂演得入型入格。

而作為「一拳」目前最強女角嘅龍捲，遊戲方就搵黎杜小喬黎出演，大家又覺得點呢？

除左以上兩位之外，仲有一位你可能估唔到會搵著佢黎扮演呢個角色，講緊嘅就係有點兒變態嘅性感囚犯，遊戲方搵黎羅莽師傅黎出演，講真又真係有啲似。

另外，音速索尼、琦玉弟子S級英雄魔鬼改造人傑諾斯及無證騎士亦都有真人扮演。