高達駕駛員阿寶同Hello Kitty兩個大纜都扯唔埋嘅角色，勢估唔到有一日竟然會同框出現！

去年3月適逢高達系列40週年，高達與LINE合作推出「Gundam vs Hello Kitty」特別篇，並先後已經推出左兩集，而日前則推出埋最後一集，未睇嘅朋友真係要一睇，因為咁嘅合作故事真係未必有下次。

前兩集故事講述Hello Kitty喺電視入面睇緊高達卡通，見到阿寶錯手殺死娜娜而感動流淚，因此決定到阿寶所在嘅宇宙幫手。就係咁巨型Hello Kitty突然出現喺正在殺敵嘅阿寶眼前，並面對敵人嘅攻擊。

而今次新出嘅第三話，亦都係完結一話就睇到巨型Hello Kitty竟然可以反彈對方嘅鐳射槍攻擊，並利用愛嘅力量將對方感化，成為朋友，睇到阿寶目定口呆。當刻反應唔切嘅阿寶想逃走卻被Hello Kitty緊追，最後Hello Kitty成功說服阿寶，並決定聯手制止戰爭發生。

第一集：

第二集：

第三集：