{ SKIP }
文:MenClub 摯樂  圖:互聯網
POSTED ON 23 Jan 2020
【佢係花木蘭?】金球影后奧卡菲娜得獎感人作《別告訴她》登陸香港

你知唔知而家荷里活最紅的華人女星係邊位?絕非花木蘭劉亦菲,而係金球獎最佳女主角奧卡菲娜(Awkwafina),佢部得獎大作《別告訴她》(The Farewell)本來無打算在香港上映,無人入貨但世界就係功利,一朝得獎本來無人買的小品電影忽變滄海遺珠,仲即時打尖 1月30日香港上映,都好彩有眼福的係香港影迷,《別告訴她》Rotten Tomatoes 獲接近滿分好評橫掃大獎,內容係感人肺腑華人家庭觀念。奧卡菲娜絕非美女卻有好強的東方花木蘭樣,如果迪士尼用電腦特技將真人花木蘭女主角全部Key哂奧卡菲娜個頭,香港票房肯定過5千萬,你信唔信?信唔信都好,值得入場撐呢套奧卡菲娜主演《別告訴她》!

呢部是一部以華人家庭為主的小品作,卻以西方的角度,從奧卡菲娜(Awkwafina)「竹升妹」外國人的角度和心態去思考中西方的文化差異,生與死福與禍的不同價值觀,絕對是一場啟發心靈的情感之旅。當然最初始的賣點就係奧卡菲娜(Awkwafina)的演技,話哂係首位華人金球獎最佳女主角(其實佢係中韓混血兒),佢係荷里活係紅「硬」,當然大家可能都知道呢個鬼鬼地本名林家珍嘅女仔,最初係以Rapper身份出道,即MC Jin個D,係咪完全「想象不能」呢?重溫一下佢的威水史2016年參演《賤鄰2》正式踏上演藝事業,其後佢係《盜海豪情:8美千嬌》及《我的超豪男友》搞鬼的演出開始令觀眾留下深刻印象。除了以上作品外,奧卡菲娜仲參演《逃出魔幻紀:霸氣升呢》及《天堂山莊》等作品,未來更落實為迪士尼真人版電影《The Little Mermaid》聲演Scuttle一角,以及參演MARVEL華人電影《Shang-Chi and the Legend of the Ten Rings》,已肯定成為荷里活電影新寵兒。




今次作品《別告訴她》(The Farewell)突破過往搞笑形象,交出影后級的演出備受各大影評激讚!佢係呢部電影中飾演努力隱瞞祖母病情的「竹升妹」。故事講述在紐約長大的碧莉(奧卡菲娜 飾)得悉祖母患上末期癌症而趕回中國探望,但家人選擇向祖母隱瞞病情,更假借一場婚禮,讓所有移居海外的孝子賢孫回家見祖母最後一面。「竹升妹」碧莉認為讓祖母知道真相是人權,但中國家人卻覺得一個善意謊言可以讓祖母善終,一場中西文化衝突一觸即發……導演兼編劇王子逸把親身經歷改編成笑中有淚的喜劇,情感真摯動人。


 


《別告訴她》將於1月30日香港上映,1月24日起有優先場。

 


電影資料 Film Info

片名 Film title : 《別告訴她》The Farewell

片種 Genre:劇情 Drama

導演 Director : 王子逸 Lulu Wang

演員 Cast : 林家珍(奧卡菲娜)、馬泰、林曉傑、趙淑珍 / Awkwafina, Tzi Ma, Diana Lin (Xiaojie Lin), Zhao Shuzhen

片長 Duration : 100分鐘 / 100 mins

級別 Category : I

語言 Language : 普通話、英語 (中英文字幕) / Putonghua and English (Chinese and English subtitles)

上映日期 Release date : 2020-01-30



由Denis Villeneuve執導嘅史詩科幻大片《Dune: Part Two(沙丘瀚戰:第二章)》叫好又叫座,截止目前全球累計票房高達5.79億美元,於各大影評網站獲得高度好評,就連名導史提芬史匹堡亦給予高度肯定,大讚《Dune 2》 ...
hobby
【影視】史提芬史匹堡大讚《沙丘瀚戰2》:我看過最精彩的科幻電影之一
28 Mar 2024
因為「掌摑事件」而沉寂咗一排嘅Will Smith,今年夏天將聯同老拍檔Martin Lawrence再次回歸大銀幕,繼續搞笑互相鬥嘴。 經典動作喜劇《Bad Boys(重案夢幻組)》最新續集《Bad Boys: Ride or Die(重案 ...
hobby
【影視】Will Smith沉寂兩年回歸!《Bad Boys 4 重案夢幻重組再重組》公開首部預告
28 Mar 2024