{ SKIP }
文:MenClub 摯樂  圖:互聯網
POSTED ON 07 Feb 2020
【恐怖衣櫃】韓國鬼片《凶櫃》挑戰全新韓式親情動作大驚慄

韓國電影如今處於輝煌高峰有口碑有票房,尤其同一個團隊,可以不停製作唔同類型嘅高質電影,又係佢地《與神同行》團隊,河正宇監製及主演,今次拍咩?之前拍過科幻、火山浩劫、搞笑,今次呢班人挑戰恐怖鬼片,簡單諗《與神同行》另一種方式,非神即鬼,今次與鬼同行救女兒,入冥界鬼櫃,個預告又幾恐怖,件事好「巨蟹座」......積屍氣冥界波?完全唔係個回事

當同一個《與神同行》團隊不停創出佳績, 拍下又一套拍下又第二套,剛剛先成功上左一套好睇大作《白頭山:火山浩劫》,今次又轉玩另一樣完全唔同感覺的新玩意。詭異懼作!《與神同行》河正宇監製及主演,連同《熱血祭司》實力男星金南佶聯手闖入衣櫃恐怖結界之謎!



《凶櫃》係兩大實力韓星首次嘗試恐怖驚慄片種,恐怖片來講,泰國向來是亞洲恐怖大師,當然如果講恐怖又夠好笑,港產《陰陽路》系列應該超級經典。韓國向來畀人感覺人性化,人比鬼恐怖,真真正正去挑戰恐怖鬼片,成功的例子好像不多,不過我有興趣睇呢個《與神同行》團隊如何創新?

劇情從來係睇一部戲值唔值得入場先導關鍵,故事今次由一個單親爸爸開始自從老婆去世後,尚元 (河正宇  飾) 同女兒搬到鄉下展開新生活。但新居入伙無耐,女兒的行徑就變得異常古怪,某日更係家中離奇失蹤!尚元驚愕之際,自稱驅魔人嘅慶勳 (金南佶  飾) 突然造訪,指出20年來,不明凶靈已令多名兒童人間蒸發。為了拯救女兒,尚元在慶勳的施法協助下,闖入衣櫃裡的「中凶地帶」,他必須在限期之前解開「兒凶」之謎,否則兩父女將永遠迷失冥界中(今日點解似賣瑞士山區肺嘅恐怖版!)……

呢個《白頭山 : 火山浩劫》製片團隊全新詭異懼作《凶櫃》,如果你睇過火山浩劫可能都會有少少期望,劇情會唔會喜出望外反轉又反轉?又咁睇老老實實,而家你睇恐怖片,忽然有一幕彈出來嚇人定一話忽然後邊有條友係咁咳恐怖D,相信,後者比前者恐怖,至少電影點恐怖你大叫完遮住雙眼好快過去,後面如果有條友咳,你即時遮住塊面衝出戲院仲要驚足14日!當然,我期望好快呢D事就過去.... 記住,去邊都好,帶口罩做足衛生防護勤洗手,同睇恐怖片一樣,其實又唔駛咁驚

《凶櫃》將於2020年2月20日上映,電影由兩大實力男星《與神同行》河正宇聯同熱播韓劇《熱血祭司》金南佶共同主演,聯手穿越生死結界!



由George R.R. Martin創作嘅《A Song of Ice and Fire》(冰與火之歌)係過去30年中最著名嘅奇幻小說系列之一,其改編而成嘅HBO劇集《Game of Thrones》亦曾一度佔據「神劇」位置。不過其實原著小說自2011年推出第五 ...
hobby
【影視】《Witcher》原作者表示同情G.R.R Martin 指《Game of Thones》劇集係新書拖延原因
02 Jul 2025
繼2015年《The Martian(火星任務)》大獲成功後,原作者Andy Weir所撰寫嘅另一部暢銷小說《Project Hail Mary(末日聖母號)》亦被搬上大銀幕。荷里活型男Ryan Gosling將飾演一名初中老師,為拯救人類獨自踏上太空 ...
hobby
【影視】科幻電影《Project Hail Mary》公開首部預告!Ryan Gosling為拯救全人類獨自上太空
01 Jul 2025