唔知點解好多外國HIGHEND品牌的前衛創新產品都要係日本率先發行出品，就好似德國beyerdynamic 貴為德國耳機界名宿即將推出一個藍芽耳機線「CC XELENTO WL」去配合旗下旗艦耳機 XELENTO  “XELENTO REMOTE 和 XELENTO WIRELESS”，合組成一套全面支援藍芽播放的HIGHEND耳機系列，單睇造型的外觀就覺得好型格高貴，聲音肯定比就咁推出一般的藍芽耳機講究好聲，價錢作為beyerdynamic 忠實用家唔應該太計較。

呢套連接beyerdynamic耳機XELENTO的藍芽耳機線「CC XELENTO WL」預計將於 2020 年 2 月中旬係日本市場率先發售，線上販售價格是 32,780 日幣(含稅)即大約2千幾港幣，這只是條內置藍芽的耳機線，未包beyerdynamic 旗艦耳機 XELENTO ，XELENTO有 XELENTO REMOTE 和 XELENTO WIRELESS，兩者都同CC XELENTO WL相容共用，可通過 MMCX 接口更換，其內置無線藍芽的模組，可以高解析傳輸 24bit 音樂訊號，除了主流的 aptX、AAC、SBC，仲支援高音質的 aptX HD 編解碼器，可以無線再加有線發燒級驅動XELENTO Tesla 驅動單體潛力。

呢條「CC XELENTO WL」藍芽耳機線採用 Micro USB 規格充電，最高連續播放時間約 8 小時，充電時間需 75 分鐘，線材長度為 38cm，重量約 15g。規格上無咩特別，但設計造型就相當之有型有格。

重點除左型同美觀，其無線藍芽比起其他廠更強的支援來自beyerdynamic 的「MIY」應用程式，對應 iOS 和 Android 兩大平台，採用聲音個性化技術 MOSAYC sound personalization by Mimi Defined，係根據德國公司 Mimi Hearing Technologies 的大量聽力科學／醫學資料所開發，有根有據動態調整音樂的整體平衡性，內置仲有好多耳機相關的技術和功能，包括可以分析紀錄用家整日的聽歌時數等等。 如果你是beyerdynamic 的用家，要留意呢條新出耳機線，一秒將你旗艦耳機升級做藍芽耳機。