近來好多曾經改變世界的偉人離世，當中某些貢獻好大改變我們生活不過好多人到最後都唔認識其名字，橋本和久先生可能就係其中一個，永別了橋本和久，你也許唔太認識他，但你一定認識佢的祕技「上上下下左右左右 BA」，無錯，佢就係發明「上上下下左右左右 BA」的出cheat之父，出色的遊戲程式員橋本和久先生，佢開展祕技的世代，改變遊戲的玩法，甚至讓好多遊戲玩家無cheat就唔識打機，如果無佢《魂斗羅》可能爆唔到機，願你在天堂愉快玩樂「上上下下左右左右 BA」。人雖往矣，其cheat長存！

創作出cheat技的偉大遊戲程式員橋本和久已於2月25日辭世，消息由佢前朋友係Twitter 上發佈，引起所有玩過「上上下下左右左右 BA」發文悼念。

コナミコマンド「上上下下左右左右BA」の生みの親であるプログラマーの橋本和久さんが、昨夜、亡くなられたとのこと。ご冥福をお祈りいたします。

— TECHNOuchi  (@TECHNOuchi) February 26, 2020

經典 KONAMI 祕技「上上下下左右左右 BA」最初於1986 年任天堂紅白機上面世，被稱為「KONAMI 指令」係當年 KONAMI 在製作打飛機Game《宇宙巡航艦（Gradius）》紅白機移植版時，橋本和久先生覺得遊戲難度太高，為左方便測試，就開創出程式隱藏指令幫自己過關。當時只要係遊戲當中暫停，再輸入「上上下下左右左右 BA」，就可以讓玩家飛機變成最強武裝狀態。由於呢個祕技廣受玩家歡迎，於是在唔少續的 KONAMI 遊戲中被廣泛採用，包括《宇宙巡航艦》系列、《魂斗羅》系列、《Silent Hill》系列、《BEMANI》系列甚至《Metal Gear Solid》系列。一整代玩家可謂無人不識，由 1986 年誕生至今已 34 年，已成為一種流行的文化，仲係《健力士世界紀錄大全》認證的「最廣泛為玩家所知的祕技」。

為左紀念橋本和久先生，不如大家暫停10秒，一起輸入「上上下下左右左右 BA」！成功會得到特別音效.........