又有一套超正的新電影推薦，內容相當另類爆裂，電影叫《4x4瘋鎖》主要講一個偷車賊爆入一架正常4X4車想偷野，但就好像入左曱甴屋咁有入無出，車廂變成最可怕的密閉空間，全車上銷防彈單向玻璃隔聲隔畫，與外界完全隔離睇到出面但無法逃脫，缺糧缺氧等死，超驚悚懸疑，然後車上電話仲要接通，係冷血車主特設的復仇「局」，一面等死一面被人冷言細數你的罪行，全片3份1時間由男主角一人係恐懼車廂鬥室，拍得驚恐刺激，然後就開始社會審判，呢個恐怖車「局」係社會深層次問題，擺明要報復暴力「私了」，「偷到又點？你逃走到嗎？」電影一出就因為劇情同演出嘆為觀止， 畀多個國家要求購買版權重拍，難得香港居然引入上映，極度有趣。

香港社會近年對「私了」呢個詞語有更深入同唔同的辯解，當制度以及權力的醜惡同歪曲嘅社會價值連結，大家就會覺得用私刑去報復罪人係可行同公義的行為。當然當你真正睇住一部特級「私了」驚嚇片就會有唔同的反思。就算正正常常社會打個拳頭交，都總有幾個大愛正義人士係旁邊俠義大叫唔好打，唔好打咁唔好。不過電影中又係咪有大愛之徒定全部人原來都好支持甚至睇住你「死」，非常有趣的人性批判，大家入場自己思考一下人性。

而電影就算唔用複雜的深層次問題去睇，本身毫無冷場的故事情節血脈沸騰觀眾肯定腎上腺素飆升。男主角彼得蘭仙尼演出的精彩演技，可以想像無對手戲下一個人用傑出的肢體語言，時而誇張的呈現，帶領觀眾逐步相信他宛如實驗室白老鼠的絕望處境。再聽埋電話系統車主的恐怖聲音同內容，絕對令人非常絕望。

《4x4瘋鎖》電影由西班牙和阿根廷共同拍攝，故事好像好簡單由一場單純的偷車竊案開始，發展出令人血脈沸騰的劇情，探討民眾對社會治安的不安全感，同時引申「私了」的必要性好評如潮！如果你睇過或頂得住《恐懼鬥室》之類的驚嚇片，呢部無咩血腥但心理感超強的大作就一級推薦，當然我仲會推薦呢個導演馬里奧高恩其他作品，包括之前的大作叫《玩謝大作家》都相當之幽默諷刺。

故事簡介

《玩謝大作家》導演馬里奧高恩最新話題作《4X4瘋鎖》！平凡不過阿根廷的街道上，一架看似再正常不過的私家車，一個男人輕鬆破窗而入，奪去所有值錢的東西再打肆破壞，卻發現全車經已上鎖，深陷牢不可攻的「密室」裡.....藉著一宗看似微不足道的盜竊案，觸發社會深層次問題！失去公義，迫出人性貪婪、執著、暴力「私了」種種問題……「偷到又怎樣？你逃得了嗎？」

電影《4X4 瘋鎖》

上映日期：2020年3月12日

導演：馬里奧高恩

主演：彼得蘭仙尼、路易斯布蘭多尼、達迪布列瓦

語言︰西班牙語

級別︰IIB

片長︰93分鐘

類型︰犯罪