Marvel《黑寡婦》一向係MCU地球英雄中身勢背景最神秘之一，獨立電影將解開其身世之謎，係最新的終極預告當中，釋出左電影好多內容同背景，甚至好像已經勾勒出完整故事劇情發展，從新預告可見，史嘉蕾為不再逃避過去，又再回到家鄉中，然後得知整個前蘇聯特工組織「紅房」已經被一個叫「模仿大師」的反派操縱，佢操縱住其他黑寡婦特工，整個故事明顯就係史嘉蕾的《黑寡婦》同佢的家人，一齊面對「模仿大師」誓要奪回黑寡婦組織「紅房」控制權，係咪真係咁簡單？一條直線睇完個預告就好似睇哂個故事呢？

過去Marvel 的電影預告一般只包含前15分鐘的故事，甚至預告故弄玄虛入場發現內容同預告唔同，今回《黑寡婦》電影綜合幾次預告，居然好像成個故事出哂來，感覺反而讓人有點無法釋疑，難道入場就係一如預告一字咁淺睇哂故事？正常睇開Marvel都唔信。以正常人的理解《黑寡婦》電影時序接連電影《美國隊長2：英雄內戰》之後發生，史嘉蕾飾演的黑寡婦協助美國隊長逃亡被鐵甲奇俠一方美國政府通緝，於是逃回到俄國的前特工「家人」身邊，與妹妹Florence Pugh，「媽媽？」Rachel Weisz，以及「紅衛兵」David Harbour共同奮戰。故事中聽聞應該係有Iron Man出場於電影當中....而呢次反派模仿大師睇一次就學到正常對手的所有招式，包括美國隊長式掟盾牌同預告睇到黑豹式近身戰技，以人類而言實力應當係非常強大。

可能入場後驚覺預告睇到的只係頭15分鐘的故事情節，真實內容也許未必個回事，定還是預告已睇哂簡單清晰明確故事同敵人？4月30日5月頭，黑寡婦終於上映。

另一個對於黑寡婦票房的重大疑問同困擾的係武漢肺炎嘅疫情， 以最樂觀嘅心態5月開始疫情應該回落，大家應該有心重回「正常」的生活態度，但又係咪真係咁呢？ 迪士尼今年第一波重頭電影會唔會成功打出亮麗的戰績呢？