誰是中國影迷最愛的外國演員無人知，但最愛中國的荷里活藝人肯定係雲迪素，佢無懼中國疫情多次高調高呼要深入中國疫區擁抱中國觀眾。無錯係「人仔」改變左佢事業，佢套《3X反恐暴族：重火力回歸》全球票房毒瘤係中國狂收1.6億美金，《狂野時速8》又收3.9億美金，怪唔得要哀求Sony影業畀送佢中國做《喋血戰士》電影宣傳，成日都話要出發，我識得有個醫生又係咁，到而家都未去？

雲·迪素(Vin Diesel) 係中國國內廣受愛戴 ，主演嘅電影部部都大收旺場，所以佢心繫中國係情有可原。本來快將要上演嘅《喋血戰士》以及《F9狂野時速》都因為中國武漢肺炎疫情上映遙遙無期，不過佢咁識做疫情過後，話唔定又大賺十億八億。

雲·迪素最經典一役係電影《3X反恐暴族：重火力回歸》係中國票房的奇蹟大賺，原來美國票房大仆直全球唔掂當，唯獨中國人熱烈捧場居然比佢爆數。荷里活稱佢為「中國王」。 中國王最近接受採訪嘅時候就講到自己係極度想馬上飛去中國化身《喋血戰士》，同中國人民企同一戰線。佢話：「我想要現身在（中國）觀眾與影迷面前，因為天知道他們有多少人會為了我站出來。我根本瘋了，我跪求Sony讓我去中國，即便是疫情這麼嚴重的現在。所以你可以想像當他們聽到我這樣說時的表情，『你要去就自己去！』」

要去就快啦，遲下可能好多人飛去中國避疫症啦，全球大流行之下，中國係最安全的地方，因為最危險的地方就係最安全的地方，不妨約埋親朋同埋你的寵物醫生，馬上起行去中國，唔好等。親！中國人會感謝你的！不過記得入境後先隔離14日唔好傳新冠病毒比中國。