千值練旗下的「METAMOR-FORCE」專出可變形合金系列，而早年佢哋就曾經分別出過來自《超獸機神》嘅斷空我同黑翼，而有玩過《機戰》系列應該都知，斷空我同黑翼喺遊戲中係可以合體成為「終極斷空我」，問題係「METAMOR-FORCE」發售時又冇講明兩者可唔可以合體，到有人買咗試過之後，大家想買已經太遲。有見及此，MRTAMOR-FORCE就決定於7月推出合併發售版，仲有小升級添！

新版最主要嘅改變係機體塗裝，由上一版附合原作嘅配色，換上較為暗淡，但充滿質感嘅金屬塗裝。另外亦新增表情頭配件，除咗普通斷空劍之外，亦多咗把用緊「斷空光牙劍」嘅紅色亮光版。更重要嘅係新版只售45000Yen，比起當年分開買總共要54300Yen平咗成萬Yen！係入手嘅好機會啦！