{ SKIP }
文:MenClub 摯樂  圖:互聯網
POSTED ON 26 Mar 2020
【浪漫睇足一世】《Before Sunrise》系列第四部曲好可能係《Before COVID-19》

90年代至今最浪漫嘅愛情故事可能係《情留半天》(Before Sunrise)系列三部曲,每隔9年導演Richard Linklater就會繼續Ethan Hawke同Julie Delpy 「長跑」愛情故事「Before」三部曲」~由《情留半天》(Before Sunrise)到《日落巴黎》(Before Sunset)再發展到《情約半生》(Before Midnight),你有無份見證呢份浪漫情深,據男主角講第四部Before系列肯定會拍,而且好可能移居意大利係武漢肺炎重災疫情隔離底下呈現歇斯底里愛。計返年齡睇過哂三部曲影迷全部都可能係疫情下高危「中年」,世界將我包圍誓死都一齊呢個第四部《Before COVID-19》未睇都覺得魚水深情。



如果大家從電影中成長,至少應睇過Before系列三部曲中的其中一至兩部,好可能三部都睇過哂,也許你同我一樣喜歡呢種淡淡然生活化但又深情滿載的浪漫經典?好多人甚至覺得呢三部曲就似同大家一齊成長,經歷人生。男主角近期受訪問就講到原來呢個愛情電影經典未完,係會有第四集。佢提到「第四部續集可能不會再跟之前 9 年 1 部的慣例。」

「如果前三套作品各相隔 9 年,咁第四部就不一定會遵循呢一個慣例。導演Richard Linklater希望有不同的續集計畫,例如《情約半生》後四年拍攝的短片,或是經歷二十年後才製作電影。「Before三部曲」係我人生中最好的電影經驗之一,已經成為我的一部分了。因此如果有機會繼續Jesse同Celine的旅程,我相信我們會做得同之前一樣咁好!」據男主角Jesse講照而家情況第四部可能要2023年先上到,所以大家一定要好好隔離留住命仔等待。



「想像一下要是『Before三部曲』的下一部係有關『隔離』的電影,Jesse同Celine係呢個疫情下係咪會變到歇斯底里?如果世界有人發生呢種事世界將我包圍依然可以歡笑,咁呢個一定就係Celine。我無法想像佢會講咩野話題,而導演Richard Linklater就似個科學家,他對現況有很多強烈的意見可以分享。或許第四集應該拉隊去意大利拍攝,Jesse同Celine有機會能同當地的民眾一同高歌、苦中作樂。」以上是男主角受訪的訪談。

三部曲三套電影所呈現出的愛情以及雙方關係都完全不同,但個種感覺依然讓人睇得非常投入,相信全球好多影迷都期待第四部作品的出現。武漢肺炎下的愛可能才是最值得大家珍藏的真愛,大家唔好出街居家隔離,也許生於世上無重要作為仍有這種真愛耀眼生輝。2023年一齊入場支持《Before COVID-19》。



【疫市反彈】武漢肺炎居家玩《Pokemon GO》業績大升可以在家團體戰 肺炎疫情轉入直路,加上5人上街即拉,早前盛行到處去玩的《Pokemon GO》係咪正式收檔?又唔係喎,《Pokmon GO》疫情下營業額居然大升 66% 。原 ...
hobby
【疫市反彈】武漢肺炎居家玩《Pokemon GO》業績大升可以在家團體戰 ...
01 Apr 2020
【高層大減薪】面對百年一遇慘烈難關迪士尼不是樂園但活在人間 武漢肺炎衝擊全球,美國迪士尼企業承受過百年歷史以來最慘淡低潮,新上任CEO Bob Chapek 減薪一半,董事長 Bob Iger則完全放棄人工,其他迪士尼高層 ...
hobby
【高層大減薪】面對百年一遇難關迪士尼不是樂園但活在人間 ...
01 Apr 2020