美國無線電通訊研發商Qualcomm近日搞左場發佈會，宣佈推出全新一代藍芽晶片組QCC304x以及高階QCC514x，專門更新新一代正無線耳機的功能同體驗，將真無線耳機帶入超節能、全降噪防干擾的功能，加上價格可以再向下調整。點解坊間公司大大小小品牌都推出真無線耳機？咪就係多得Qualcomm晶片，其實你都可以出設計推出真無線耳機，當然品牌有佢的調音用料支援性同操控APPS等等唔同，大同小異創造天下龐大無線耳機市場，反正重點係真無線耳機功能即將更強但價格可以更低。

藍芽晶片組QCC304x以及高階QCC514x係專門為TWS真無線耳機和頭戴式耳機設備研發。目標就係以更低成來更實惠帶來高效無線耳機，主要將會廣泛有消除噪聲、更出色的語音助手支援同超低用電量等三方面的改進。

QCC514x系列和QCC304x系列晶片將會支援一種叫Qualcomm TrueWireless Mirroring的新技術。呢個技術令單一邊耳機通過藍芽無線連接到手機，另一邊耳機則成為其「Mirroring」，並且兩邊耳機可以在多個使用場景下快速切換。例如，左耳除低耳機後，馬上無需任何操作，右邊Mirroring耳機便就可以接管同手機的連接，避免音樂或語音通話的連接中斷。反正就豐富同完善左用家體驗。

新系列SoC晶片使用集成式混合主動式降噪技術。通過支援外部環境音的超低時延透傳，晶片擁有ANC專用硬件能夠對周圍環境進行自然測量感知，讓耳機可以係唔同環境包括通行、日常運動或室同場景使用降噪功能。優化QCC514x和QCC304x 晶片更節能省電低功耗，65mAh的電池可支撐長達13小時的播放時間。而且啟用ANC降噪對電池續航影響好低，更長的電池續航讓無線耳機基本唔會有叉足電力不足一日應用的情況。

相信只要疫情過去，全球的不同生產商如果選用Qualcomm的無線藍芽耳機晶片，就好快會有全新的降噪藍芽耳機出產，當然我地而家知道晶片成本低左，最終新耳機的價格會唔會降低就大家拭目以待。