因為武漢肺炎疫情影響，相信黎緊嘅復活節長假大家都冇得去旅行，尤其啲每年返幾次日本「家鄉」嘅Gentlemen應該相當寂寞。唔緊要，疫情總會過去，日本都係要去，襯呢個時候Plan下就啱架啦！有日本網站就整咗個票選，由日本網民選出佢哋覺得最多靚女嘅都道府縣，大家下次去日本就知要去邊啦！

共同第八：兵庫縣、大阪府、青森縣

位於關西地區鄰近嘅兵庫縣、大阪府，同樣以人民友善好客而注稱，唔少美女都係來自呢兩個地方，例如北川景子就係來自兵庫縣中嘅神戶市，而韓團「Twice」中嘅日本成員Sana就出生於大阪天王市。而青森則一向有「青森美人」嘅美譽。

Sana

第七：京都府

作為日本最有歷史文化氣息嘅地區，當地女性嘅氣質都寧舍唔同。再加上喺京都好多女仔都會著和服，女性魅力爆升。AKB嘅橫山由依、Twice嘅Momo都係出身自京都。順提一帶，AV女優飛鳥りん據報都係來自京都。

Momo

第六：沖繩縣

同樣出名友善外向，再加上陽光與海灘，曾經孕育出結衣BB、仲間由紀惠同安室奈美惠等多位美女。

結衣BB

第五：神奈川縣

位於東京都旁邊嘅神奈川，唔少遊客去開東京都會順便去埋。而神奈川縣出身嘅名人都唔少，咩都唔講就講AV女優，古都光、金澤文子、小室友里、秋山祥子、小倉奈奈、湊莉久、里美尤里婭、鈴木心春、鈴村愛里全部都係來自神奈川！

小倉奈奈

第四：北海道

日本最北地區，可能由於緯度關係，北海道女仔出名皮膚白滑。好似寫真女星木鄉杏奈就係啦，你睇佢個背脊白到！

木鄉杏奈

第三：福岡縣

咩都唔使講，「千年一遇」橋本環奈就係來自福岡。不過對於識日文嘅男仔黎講，福岡女仔仲有個吸引之處，就係據說福岡口音嘅日文聽落好可愛。

橋本環奈

第二：東京都

作為日本人口最密集、最發達嘅地區，東京靚女多係一件數據上好合理嘅事。例如近來憑《下輩子我再好好過》而傭受注目嘅內田理央就係東京人啦！

內田理央

第一：秋田縣

過往有N個「日本最多靚女訪問」，其他都道府縣嘅位置或多或少都有變化，唯獨就係秋田縣穩坐第一屹立不倒！平安時期就出過和歌歌人小野小町，成為日本美女代名詞，近代亦有生駒里奈、鈴木絢音等。另一邊廂唔少AV女優亦係來自秋田，例如葵、後來改名做「愛咲MIU」嘅櫻井莉亞、柚月亞衣等。又再順便講下，加藤鷹都係秋田人黎。

鈴木絢音