介紹一套帶口罩的電影你睇，呢部概念相當有趣的戲叫《極樂品種》，介乎於詭異迷幻之間，女主角帶口罩因為發覺佢公司出的奇異怪花會迷惑人心，花粉會人傳人，仲迷到佢個仔「失常」，就好似某未選到就當係議員的人話大麻應該合法化，於是女主角就認定呢隻「花」好有問題，搞到中左的人失去常態，到底呢隻係「開心」花定搞亂世間邪花？值得反思一點，何謂正常先？正如你日日搶口罩帶住兩隻先敢出街屬正常還是某些人依然相信無事唔好帶口罩唔帶才是正常人？正常與失常的集體行為係好高深的社會心理學課題....你有無興趣買棵「開心花」

呢部電影《極樂品種》係奧地利金像獎中橫掃10個大獎及提名,由康城影展最佳女主角艾蜜莉碧崔 （Emily Beecha）主演，再加上創作的歐洲才女導演謝茜嘉侯斯娜（ Jessica Hausner） 一鳴「驚」人 式詭異科幻製作，係一部全面值得反思的非一般電影作，詭異一詞讓人想起恐怖可怕，但如果你覺得你身邊人就像電影中你個仔失常，而所謂的失常又唔係「痴線」神經有問題，而是變左，例如唔再睇CCTVD，唔再食金洪門，仲同你講迪迪尼不是樂園，某波鞋廠係人血工廠，扔哂玩具全部都係非洲童工整，仲分享叫你一齊試試呢隻「花」......仲唔「拿拿林」帶返兩個口罩避一避先

故事大綱

首奪康城影展最佳女主角艾蜜莉碧崔 （Emily Beecha），歐洲才女導演  謝茜嘉侯斯娜（ Jessica Hausner） 一鳴「驚」人 詭異科幻作《極樂品種》，横掃奧地利金像獎10項大獎及提名！單親媽媽愛麗絲（艾蜜莉碧崔 飾）是一位致力研發新品種的植物學家，成功培育出一種奇異艷花，更有令人快樂的功效。她不惜違反公司規定偷偷帶了一盆回家，讓兒子培植。當花日漸盛開，愛麗絲開始發現花粉不僅療癒人心，更侵入你心…

最後呢D咁奇怪的電影、居然係香港有得睇，4月16日上畫，唔好笑住，深深吸一淡花香，可能真係有機會解封戲院如期上映呢？你知啦呢個政府朝夕令改，2星期實在太多未知數啦，可能到時你屋企植物開始識得講野！

《極樂品種》

上映日期：2020年4月16日

導演：謝茜嘉侯斯娜

主演：艾蜜莉碧崔、賓韋沙、嘉莉霍士

語言︰英語

類型︰劇情、科幻