無論你本身就係個F1迷，又或者係好似我咁睇完Netflix嘅《Formula 1極速求生》先對F1產生興趣，你都應該好期待本來定於3月中開始嘅新一季F1。但一個武漢肺炎橫掃全球，F1賽季頭8站全數延期或取消，最快都要去到6月中先開始有比賽。咁呢個時段啲F1車隊做緊啲咩呢？連續六年獲得F1車隊兼車手雙冠軍嘅Mercedes AMG Petronas Motorsport就決定唔整車，而去整依家全球都好需要嘅嘢——呼吸機。

只於點解會研發得咁快呢？原因就係倫敦大學及Mercedes嘅工程師係搵咗部專利到期嘅呼吸機，再用反向工程嘅方法研究點樣改進及大量生產。而生產出黎嘅呼吸機就介於普通氧氣面罩與侵入式呼吸機之間，能夠用於病情未算非常嚴重嘅病人身上，確保最高級嘅侵入式呼吸機用得其所。