湖人傳奇Kobe Bryant今年一月因意外離世，對於全球籃球迷黎講應該都會感到難以置信及痛心，一代傳奇就咁樣突然離開我地。而就喺Kobe離開我地接近三個月嘅時間，全新嘅Kobe專屬鞋款Mamba Fury(曼巴之怒)亦即將面世發售！

Kobe於Nike嘅專屬簽名籃球鞋系列在其生前一共有11款，由Kobe I至Kobe XI，因此今次紀念Kobe嘅鞋款「Mamba Fury」係其球鞋系列嘅第12代。

Mamba Fury前掌用上Zoom Air氣墊，中底則為Phylon，較適合後衛球員選擇。外型方面，以黑紅／白銀／黑白為主，配上鞋底大理石花紋，其中黃色配色花紋就好似Mamba蛇紋一樣。當然，鞋舌上繼續印有Kobe的專屬Logo。

Mamba Fury價錢方面消息指將不會超過100美元，不過目前仍然未登上Nike官網供各位購買，想購入嘅朋友要再留意下啦，相信好快有得買！