{ SKIP }
文:MenClub 摯樂  圖:互聯網
POSTED ON 23 Apr 2020
【有聲有畫】香港推出網絡爆紅潮物「黑人抬棺舞」1/64 模型擔得抬得 

模型來講,識玩一定玩呢個香港本地出品網絡爆紅物「黑人抬棺」 1/64 模型,無論紅事白事定白事變紅事,你屋企都可以重現「黑人抬棺」經典非洲棺材舞,7個抬住行又得,5人跪住爬都得,款式隨意最緊要好玩,仲順便支持香港出品。唔好話我知你無睇過熱爆「黑人抬棺」舞蹈

無錯,香港人流行觸角強大,新產品貼地快速,2020年忽然今期流行流行黑人抬棺,當然如果我要話你知班黑人跳咩就要從文化習俗講起,話說係迦納即非洲容祖兒前車路士球員艾辛家鄉,抬棺材跳舞係習俗,目的為左讓喪禮唔好太悲傷,就會請人到場表演,搞下氣氛咁囉。好難理解,一岸之隔的台灣白事會請「辣妹跳舞」,文化的事我識條鐵咩。只知後來當地有間叫Benjamin Aidoo的公司將抬棺材跳舞服務再加上少少編舞、服裝等精緻做好佢,就引來BBC News的採訪,最後係網上爆紅,全球知名,成為網絡熱傳爆紅之物。

講返模型,呢個黑人抬棺材模型由香港的 JMG 1/64 Miniatures 模型工作室製作,比例1比64,唔知呢個比例會唔會犯禁,不過個模型又做得幾仔細。有兩個款式,一個係7人一組企住抬棺材,一個係5人一組跪住爬,就咁睇腦海中自然已經有配樂響起,400蚊港幣有找,買一set返去放係度都幾有趣,全球預訂有買就自己睇路。預售將於 4 月 24 日截止,即聽日玩完,暫定 5 月末出貨。有興趣的玩家可參考 JMG 1/64 Miniatures 官方網站。

呢部由中國公司製造嘅掌上遊戲機AYA-NEO,雖然驟眼睇落好似任天堂Switch,但硬件性能上就差天共地。部機主打用家能夠喺掌機上暢玩各部3A大作(低畫質模式),現於眾籌平台Indiegogo上架。 (圖片截至:Indi ...
hobby
【玩物】披著Switch外觀嘅掌上遊戲機AYA-NEO 現於Indiegogo上架
09 Mar 2021
唔知大家去日本玩嗰陣有無去過大板或橫濱「合味道紀念館」自製杯麵呢?最近小弟收到風,日清「合味道紀念館」將登陸香港,落戶尖沙咀中港城,不過門票價格及開幕日期就暫時未有消息,有興趣嘅朋友請密切留意。 ...
hobby
【自製杯麵】合味道紀念館即將登陸香港 落戶尖沙咀中港城
09 Mar 2021