唔係隔離飯香，而係台灣台中的警察局官方頻道「TCPB局長室」的確做得太出色，頻頻係網上呃Like，親和力同幽默感領放跑贏整個華人社會，近日佢地上傳的防疫居家隔離宣傳圖又跑贏大市，完全吸睛引人注目，話說佢地推出左激似日本AV女優上原亞衣的影片封面的防疫宣傳，告戒全員逃走中違反居家隔離令嘅人將會被搜捕，呢班台中警察咁識玩，真係人比人比死人，台中警察羨煞旁人.....

台灣好多官方部門近年都開始大玩網絡媒體，樹立年輕的新形象，製作出好多專業有趣的網絡內容，當中台灣海巡署以及台中的市警局都係網上推廣佼佼者。台中市警局推出的官方Facebook叫「TCPB局長室」，每日都有唔同的網絡宣傳和活動，推動警民關系，佢地的用詞風格製圖攝影都相當年輕前衛大膽，反正玩得出色，做得招積！

別人做得出色就要讚，敢作敢為就要服，當然警察的形象到底應點樣維護，想要比公眾一個點樣嘅形象，就各處鄉村各處例，唔同地方的社會大氣候唔同，有時有些地區包括北愛爾蘭警隊曾經臭名遠播，不得人心者無論你搞乜嘢親民面子工程，都係事倍功半，最終北愛爾蘭警隊嘅成功經驗係全面改革改組警隊。 唔得咪改囉改完一樣可以重獲人心。大家都係睇返D開心野，睇住「美美」的台中警隊先

https://www.facebook.com/TCPB4U/