大家有無睇過早前PS4喬裝路由器搞笑短片，Sony最近係日本真係推出左路由器，仲血脈相連同PS4真係有幾分相似呀，外殼貼住Sony呢排頭牌頭，係「堅」而非深圳貼牌偽冒，呢款Sony NGD-G1000T路由器行Wi-Fi 6，佢5Ghz最大通信速度為4800Mbps仲支援藍芽，我都想轉用，可惜我唔係日本。

早前網上潮興一套韓國的“Plash Speed”搞笑短片，內容係宅丈夫為隱瞞妻子，將新買PS4遊戲機假扮成上網路由器，短片大熱好多人都有類似想法，網上仲推出配件幫人PS4喬裝成各種各樣wi-fi路由器，相當搞鬼。近日，日本Sony最新係國內推出名為NURO光的光纖通訊服務，反正就即係佢地係綱絡供應商，佢地旗下服務用家的硬體設備就使用一款名為NGD-G1000T光纖網絡終端機，呢款網絡終端機係So-net寬頻服務中首款Sony自家生產的設備，外殼印住顯眼的“SONY”商標，絕對似PS4嘅孖生兄弟。不過大家唔駛太興奮，因為呢部機只限內部供應畀日本寬頻服裝用家。唔係外銷的型號，大家想要扮Router 的PS4請繼續幫襯網上搞鬼套裝 。

其實SONY唔係第一次出產路由器， 十幾年前Sony就已經生產網絡路由器，可惜相關業務一早已經終止，今日佢地NGD-G1000T只是適時配合相關業務而生。不過大家可能太期待sony推出PS4型嘅路由器， 所以一見到即時陷入瘋狂， 在商言商如果Sony真係推出全新設計嘅Wifi路由器的確係可以大賣特賣，絕對係配合PS5的商機，不妨考慮一下。