近期Tesla總裁頻頻出招，最新好消息係同歌手女友Grimes誕下佢地首個BB人生第6次做老豆。不過佢近期係Twitter非常出位，言論行徑僅次於侵侵特朗普，上星期剛語出驚人嫌自己Tesla股價太高，搞到Tesla股價單日太跌12%，然後又話要變賣大部份財產，真係逆市下將自己2個大豪宅放盤出售。 行為令全球無法理解，不過公司就一路向好，除左火箭發射成功業績唔錯外，近日又推出自動化能源交易平台 Autobidder沾手能源界做全球供電公司。身家係疫情下大升83億美金，只能說有錢就係任性！

早幾日Elon Musk應該係開心得濟High大左，一日內係Twitter發十幾條推文，而且9唔搭8洗版，一時又話加州的疫情防控措施係法西斯，一時又話抗瘧疾藥物氯喹（chloroquine）可幫助武漢肺炎患者更快恢復，之後又一條推文話覺得自己公司股價太高，居然即時搞到特斯拉股價當日暴跌12%。無啦啦100億美元的市值大蒸發，搞到美國法律界展開辯論，到底馬斯克咁樣推文搞冧市是否屬於證券詐欺？

你話佢High大左，但佢又比任何人都識賺錢，佢係疫情加上加洲地產超淡市下真係一言既出掛牌賣樓(佢個d叫房產)。根據房產機構Zillow的掛牌資訊，佢的確近日出售緊兩個大豪宅，總叫價為3950萬美元，其中1間大豪宅係已故荷里活喜劇男星Gene Wilder故居。業內人士就認為而家放售房產絕對非好時機，一來疫情嚴峻二來洛杉磯的豪宅銷售近年已飽受供應過剩和需求疲軟的困擾相常低沉。人地賣樓係為資金回籠，但馬斯克疫情下身家大漲83億美金，佢行為同思路應同普通人唔一樣。

Tesla投資係中國的車廠剛今年開始量產，但面對疫情同國際政治經濟的不明朗，中國車廠可能係其最高風險投資，不過其他業績持續向好， SpaceX 事業蒸蒸日上，近期又大舉投入Autobidder平台跨界大搞供電，係澳洲同美國大展拳腳，近期再入紙申請搞英國電力供應市場牌照。如果中國車廠中長期一切穩妥，Elon Musk可謂正值人生高峰，佢剛係Twitter又出文承認自己第6次做爸爸，BB同女友Grimes都情況良好，怪唔得開心到咁任性。