{ SKIP }
文:MenClub 摯樂  圖:互聯網
POSTED ON 11 May 2020
【人類變AI共生】Elon Musk研發植入人腦晶片一年內人體實測

科技由電腦到手機,下一步改變人類會唔會係植入式人腦(指電腦)結連,Elon Musk旗下腦神經科技公司Neuralink正研發電池晶片裝置可以植入人腦內,以現今技術一年內可以進行人體測試,晶片可以同人類大腦相互運作,可能可以幫助人們恢復視力以致修復各類腦部問題。初期目標係醫治腦創傷病人,即植物人版本「金將軍」。長期來講更可以人腦合一AI結連,甚至通過腦部相互直接通訊,取代說話甚至語言,人類將會完全改變。

上星期Elon Musk 接受YouTuber Joe Rogan的網絡訪問吹水間講到好多旗下神經科技公司Neuralink的研究,並指出Neuralink將在一年內準備好植入人類大腦的裝置試測。根據佢嘅解釋, Neuralink正在設計極之細小,厚度比人類頭髮細10倍的柔性線,電腦將通過現有的設備,係人頭頂大腦鑽一個窿,去除顱骨的一小部分之後,機器人將電極插入人類大腦當中,而過程中被植入裝置的人將僅留下疤痕。初期作用係治療腦部損傷和創傷。馬斯克透露,這項技術將能夠令人與AI之間建立共生關係,並在25年內發展成完整的大腦接口。到時運用的程度同應用面將大大加強。

你應無咁得閒聽佢訪問吧!?

馬斯克指出佢地仲未對人體進行測試,不過唔駛好耐甚至一年之內就可以實際喺人體植入做測試。佢無透露太多細節但就表示將會喺今年夏天某個時候推出較新較先進版本細節。馬斯克係twitter上指,佢地需要確定最大的實用性與風險,以確保該設備應用超級安全且易於使用。

腦機接口(BMI)研究由Neuralink於2019年8月2日係bioRxiv首次提交。研究聲稱,BMI具有足夠的潛力來幫助患有多種臨床疾病的人。研究人員已經證明了使用不超過256個電極對電腦光標,機械人肢體和語音合成器進行人工神經控制。” 但是佢承認現時BMI臨床測試尚未被廣泛採用。係Neuralink的研究中,多達3,072條電極可以分佈在96條柔性線上。借助神經外科手術機械人,每分鐘可將六個BMI線程插入大腦以標記特定區域。報告指出:“每條線都可以以微米級的精度單獨插入大腦中,以避免表面脈管系統並針對特定的大腦區域。”馬斯克指出,人機界面將幫助我們走向人機共生。由今日開始25年內,整個大腦的界面充滿無限可能性。簡易講就像是自己的AI擴充,其中將擁有自己的大腦擴展性和網絡擴展性。您將比身軀更活在雲端內。馬斯克更大膽預測,這項科技將可能在5至10年內淘汰人類語言,通過大腦界面,人們可以通過電子思想傳遞與電腦或其他人更快咁進行通訊。馬斯克估計,如果研究成功,呢項技術將在十年左右成熟。到時你只要係人腦AI共身下載程式即可同世界唔同的人溝通。

聽落好像恐怖在線,應該比black mirror更Black黑科技,Elon Musk 走得太前或許你完全無法理解佢,至少你以現時的語言同理解力,都未能解讀出佢新出世BB個名,係啦佢個B名叫「X Æ A-12 Musk」,呢個名到底點樣讀呢?「首先,呢個名字是女友諗出來」馬斯克話「我指的是字母 X,然後 Æ 的發音為 ash[æʃ],後面 A-12 是我想出來的,代表 SR-71 偵察機的前身 Archangel 12,它是史上最正的飛機。」因此「X Æ A-12」的讀法就是「X-ash-A-twelve」。唔明可以一年後報名植入大腦AI加強記憶同腦力。



距離佢於Twitter宣佈參選不足兩個星期
hobby
【Kanye West】宣佈參選11日 Kanye West退出總統選舉
15 Jul 2020
貴豐踏入35週年的2020年,特別推出 旗艦級別的線材系列Vanta,配搭最高級的HIGHEND音響,最先進技術工藝設計同最高貴細節,根據唔同類型的線材,價格預計係3,000歐元至20,000歐元以上,盡顯派頭,Gryphon就係零舍唔 ...
hobby
【高貴頂峰】丹麥Gryphon Audio 推全套旗艦音響線材Vanta系列
15 Jul 2020