Bandai旗下MegaHouse宣佈會同專出高質雕像嘅PRIME1STUDIO合作，推出1/4嘅《龍珠》孫悟空雕像，其中DX版更加可以一次過滿足你四個願望，因為佢一嘢就包哂四個階段嘅龜波氣功！

呢隻全高超過60cm嘅雕像以悟空儲力使出龜波氣功為藍本，精細雕刻再加上出色嘅配色及特效配件，以及神龍底座中嘅LED燈，本身已經相當有逼力，但DX版就更加豪華，因為佢一次過包哂普通型態以及超級撒亞人1、2、3四個頭像及特效配件 (超級撒亞人2同3個身有電)，隨你鍾意用邊個型態都得！170,500Yen係唔平 (約HK$12300)，但四個悟空喎！抵啦！