上年最多人談論嘅電影可能係奉俊昊嘅《上流寄生族》，但最多人談論嘅角色就應該係Joaquin Phoenix於《Joker》內飾演嘅「Arthor Fleck」，尤其回想香港人上年所經歷嘅一切，真係令人打從心底同情被社會逼到癲嘅「Arthor」，亦更加驚嘆Joaquin嘅演技。如果你都真係有咁鍾意呢個角色，又有返啲閒錢，不如考慮入手呢個1/3 Arthur Fleck雕像？

由日本PRIME1STUDIO及韓國Blitzway合作，屬於前者的「Museum Masterline」系列，其中頭雕幾乎完美還原Joaquin Phoenix嘅一切面部細節，我甚至分唔清張相究竟係個雕像定真係Joaquin本人。當然標誌性嘅血紅西裝亦忠實呈現，另外亦附上手部替換零件、手槍、笑話記事本、損毀手提招牌、紅白藍帆布袋、「我忍不了笑」小卡片等九樣配件，最重要係個地台亦係戲中嘅樓梯(不過細好多咁囉)。預訂仲有小丑面具添。即日起開始接受預訂，預計2021年4至6月出貨，售價為142,900Yen，即係約HK$10400左右。