{ SKIP }
文:MenClub 摯樂  圖:互聯網
POSTED ON 23 May 2020
【耳機評測】價格敏感型消費者必選 Pioneer SE-C7BT (別注版)掛頸式無線耳機

今時今日買無線耳機,幾千銀的其實只有兩三個旗艦品牌有市場,真正日常使用老實又平又好用才是皇道,又要平又要音質好,通話通清佩戴舒適價錢要500蚊樓下,日本Pioneer SE-C7BT (別注版)係異數,絕對係價格敏感型消費者必然之選,我見到官方網店有特價即時買左隻實測試玩,掛頸式無線耳機一睇就知係畀成日要講電話的用家,低調穩重就係我的總結。

玩開多聲道家庭影院無人唔識日本Pioneer,呢個品牌特別穩重,旗下產品從來都唔搶眼但卻係日本影音界嘅中流砥柱,無左Pioneer就好像當年等離子電視無得再買最好的 Pioneer電視機一樣,當年退出電視生產的確曾令唔少影音發燒友心碎。早前介紹過Pioneer C5真無線耳機,而實際上睇睇下資料我發覺掛頸式嘅 Pioneer SE-C7BT (別注版)才是我最適合的耳機。原因第一優點係價格爆平,定價只是$499,如果有商戶做下特價,絕對是平絕大廠品牌。而試用過後發覺質素絕對唔會差過其他貴三倍的音響品牌推出的同類耳機。

除左價格優勢,便利掛頸設計係我個人的愛好,當然如果講型講靚仔,真無線耳機大行其道,但掛頸式設計柔軟易屈曲配戴方便不易鬆脫,最重要唔需要煩通話時對方聽唔清楚你講野,掛頸式耳機的通話能力超卓接收能力無異於揸住電話講嘢, 對於成日要講電話的我來講是福音。其實藍芽耳機其中一個優勢係編碼機制,因為編碼等級越高代表傳輸愈 好,科技係日新月異,新編碼係輕鬆贏過去的舊式藍芽,不管你用料有幾好。C7 無線耳機別注版配備藍芽 5.0,支援 Qualcomm® aptX™ HD,可播放 24 bit/48kHz 高解析音樂播放 。規格上就贏我對舊藍芽 4.0舊耳機。

功能方面,C7 無線耳機別注版依然使用Micro USB 充電,不過支援1.5小時快叉電,可持續聆聽「7小時」!對比起其他耳機,非常之長氣耐用。支援 Qualcomm® aptX™ HD以無線技術以AAC 編碼來傳輸高格式音檔非常高音質。聲學設計方面有耳機鋁金屬外殼可以減低共震,令音色更加清晰,單元使用8mm稀土釹磁鐵動圈。其12小時的續航行力,簡易的操控,絕對係繁忙都市人簡單可靠嘅夥伴。

今次我會試用唔同的電話聲音訊源去測試耳機,包括手機內音樂檔、電影片段、網絡商業電台同Tadil高音質串流,先講手機內音樂檔案,我試過WAV同MP3,聽MP3就肯定低質無修飾,唔會為你減少雜訊。個人認為聲音特性非常清澈,中高音相當之清楚動人,但低頻不能說強勁,只能說是勉強,但用來聽歌其實已比我心中所想驚喜。當我睇youtube電影預告時發覺人聲爆破俱佳,但就無法比到你非常深厚的低頻衝擊,咁當然在價格再言已屬超標。個人出行搭車最常聽的其實係電台,用佢聽網絡電台903apps,我發覺同我常用的sony wf-1000xm3唔同,老實C7無修飾到網絡播放的雜訊,相比起我用開的真無線耳機,佢真實反映電台apps的低解像雜訊,但Wf-1000xm3價位過二千銀呢?如果要串流就聽最好的Tidal hi-fi級串流,其實個人認為C7耳機分析力不錯,中高音非常清澈,由於低音沒有相像同宣傳中強勁,故不會影響中高音,所以好壞參半。聲音細節解析係超乎我想像,而且營造的空間感相當唔錯。音色圓潤雅致,我唔覺得佢有任何偏性,不過由於行分析力路線,人聲飽滿度同厚度就不是強項。總體以言我人認為聲音平均性價比爆燈。

別注版聲音質素和用料再有唔同,暫時別注版只有黑色!

C7耳機精緻簡約又戴得舒適, 雖然黑色畀人非常穩重嘅感覺不過就可能讓人覺得唔夠搶眼 ,外型可能是缺點之一,但其功能可靠聲音良好,除左無ANC功能之外,相當全面,不過要提一提就係大家要實試你使用的耳膠大細,原廠提供XS至L 四款不同大小耳膠,我開廂後最初配載唔夠穩當當易於掉下,結果要改用大一碼的耳膠就完全top fit。最後講咩都無用,我老婆見到我用Pioneer SE-C7BT怒目而視劈頭第一句就係又買耳機,第二句問幾多錢呀?我回答$499網上原廠再特價,就無聽到第三句,證明對於價格敏感型消費者Pioneer SE-C7BT係非常合適。



產品規格

  • 傳輸方式:藍牙5.0
  • 輸出:藍牙Standard Protocol Power Class 2
  • 有效範圍:10m (32 英呎)
  • 頻率範圍:2.4GHz (2.4000GHz-2.4835 GHz)
  • 調整:FHSS
  • 配對裝置記憶:8組
  • 兼容裝置:2組
  • 藍牙設定檔:A2DP/AVRCP/HFP/HSP
  • 支援解碼格式:SBC/AAC/ aptX™ HD
  • 使用時間:12小時
  • 充電時間:1.5 小時
  • 單元:8mm動圈單元
  • 傳送距離:10m 起
  • 頻率使用:2.4GHz(2,400GHz-2,485GHz )
  • 頻率響應:10-22kHz
  • 重量(含電池):20g
  • 配件:耳膠(XS/S/M/L)、micro USB線材、充電線
查詢:2429 8148 (POMA)
距離佢於Twitter宣佈參選不足兩個星期
hobby
【Kanye West】宣佈參選11日 Kanye West退出總統選舉
15 Jul 2020
貴豐踏入35週年的2020年,特別推出 旗艦級別的線材系列Vanta,配搭最高級的HIGHEND音響,最先進技術工藝設計同最高貴細節,根據唔同類型的線材,價格預計係3,000歐元至20,000歐元以上,盡顯派頭,Gryphon就係零舍唔 ...
hobby
【高貴頂峰】丹麥Gryphon Audio 推全套旗艦音響線材Vanta系列
15 Jul 2020