品味生活來講，丹麥Bang＆Olufsen剛剛推出88吋Beovision Harmony 蝴蝶展翅巨型8K電視機，風格樣式同上年一樣，但新款升級最新LG 8K OLED面板。玩B＆O 8K電視絕對係講品味同生活態度，奢華體驗完全唔會拘泥於價格……四萬九咁的價，同我「掃」.....

我都好想體驗呢種巨大的8K電視，Bang＆Olufsen 最新六月尾推出eovision Harmony 88吋8K電視機，為新世代家庭影院提供最奢華新標準，內裡使用最新的韓國LG  8K OLED面板。其實我哋上年都介紹過佢哋推出嘅蝴蝶展翅電視機 Beovision Harmony，電視打開之後兩邊橡木板同鋁質面板就會好似扇型咁展開，畀到用家一場完美嘅視覺盛宴。 不過首先你要有一個大廳去裝一個88吋嘅大電視， 據知這款Beovision Harmony TV配備LG的2020 OLED 8K ZX面板外，Bang＆Olufsen針對機能進行左多種優化。

B＆O原廠話電視的核心是幾種先進的核心技術包括最新α（Alpha）9 Gen 3 AI處理器。呢款先進嘅處理器可以進一步提高畫質同埋操控， 讓你嘅電視真正成為一個具智能嘅娛樂核心。聲音方面，預裝左三聲道的內置音響系統同雙低音炮。仲可以同同廠Bang＆Olufsen 嘅喇叭程式Beoremote One 操控兼容準許用家連接多達八個無線Beolab喇叭（Beolab 50或旗艦Beolab） 90的7.1環繞聲。電視支援 HDR10、HLG 和杜比視界。配備左四個 HDMI 2.1 接口。

用家可以選擇特別定製橡木、天然鋁金屬、煙燻色橡木佐黃鋁銅及胡桃木佐青銅鋁等配搭色樣。88吋Beovision Harmony電視將於六月尾正式出售，定價預計係49,000美元，買部新電視任性而行，唔需要理由，毋需睇定價，C'est la vie！