日本其中一個最受音響用家愛戴的頂級品牌肯定係金嗓子(Accuphase)，人稱「金仔」的頂級音響從來都企硬高價，愈舊型號愈高收藏價值，「Accuphase」代表追求精確，完美以達到最理想的音樂還原效果，佢其中一個最特別不同之處在於廠方多年來堅持推出數碼均衡器Equalizer，如今最新推出已達第五代的Accuphase DG-68 Equalizer，用唔用Equalizer從來都係音響受爭議的熱點，但Accuphase迷一向少理，總之生平集齊全套金光閃閃的金仔音響陣就係人生大贏家，唔玩隨時放售都係無得輸！有興趣不妨來睇下最新DG-68 Equalizer有咩特別之處.......

首先介紹一下日本頂級音響品牌金嗓子(Accuphase)的品牌名稱係由英文「Accurate」(精確)的字首「Accu」和「phase」(狀態)組成，表示追求精確，完美。創辦人春日中一與春日二郎同時也創辦著名品牌Kenwood，後來到1972年就離開成立金嗓子音響企業。成為劃時代的頂級日本音響，絕對可以說係音響界的「勞斯萊斯」。

講完金嗓子(Accuphase)牌子就講Equalizer，咩野係均衡器Equalizer？理論上係一種以分別調節各種頻率成分電信號放大量的電子設備，通過對各種不同頻率的電信號的調節去補償喇叭和聲場的缺陷，補償和修飾各種音源及其它特殊作用，一般的均衡器僅能對高頻、中頻、低頻三段頻率電信號分別進行調節。不過Accuphase就係全自動，利用最先進嘅數碼技術校正聲音。理論上無論任何聽音環境都可以調節到最適合你嘅聲音， 呢個就係均衡器厲害以及受爭議嘅地方。

最新推出的Accuphase DG-68使用最先進的數碼技術，已經係廠方第五代數碼均衡器。上面都有簡單提到“Equalizer”係提供“音場校正功能”校正監聽環境空間中的聲場以及“調節重播聲音的調音功能”集中而成的先進數碼技術產品。可以使用廠方特設嘅收音咪連接測量室內聆聽環境， 然後自動調整為用家所需嘅音場特性。當然用家仲可以將自己喜歡的音色設置，記錄喺部機裏面隨時調整。

機內配備左最新的數碼信號處理專用處理器（DSP），並且可以對模擬輸入和高分辨率數碼輸入進行高級信號處理。配備了各種數碼/模擬輸入/輸出端子，可以進行各種連接，並安裝了最新的A / D和D / A轉換器電路，以顯著提高模擬輸入/輸出性能和聲音質量，反正加其進入整個音響系統當中，就會有更好更平順或合乎你理想的音場同音色表現。自動設較中有兩種目標選擇：“ FLAT”（調整為聲音均衡特徵）和“ SMOOTH”（調整喇叭和房間的適用特徵）。通過平穩的調較，可以自動識別喇叭的極限頻率重播，抑制對聲音註波以及低音域的低音質素。用左佢可以減輕喇叭的負擔，並且可以實現無失真的絕對低頻再現。

佢除左外觀華美金黃，裡面仲安裝左模擬設備40bit 浮點運算DSP ADSP-21489，擁有Asahi Kasei Microdevices 32位元A / D轉換器同埋AK5578EN晶片以每通道4個電路並聯驅動，將聲音模擬轉返數碼後，而進行校正，然後再用ESS Technology 32位元D / A轉換晶片ES9028PRO每通道使用8個電路並聯驅動將數碼又轉換返做模擬聲音輸出，再運用其下Accuphase原始降噪技術ANCC（Accuphase噪聲和失真消除電路）通過提高測量精度實現高精度的聲場校正，反正加左佢肯定會更好聲，否則Accuphase唔可以出到第五代。

咁如果你本身無用開Accuphase 的音響產品，會唔會無啦啦買部Accuphase DG-68返來用？我可以話你聽，絕對有先例，我就曾經見過好多高燒玩家買前代Accuphase Equalizer配合其他音響器材，調較自己最想要的聲音。不過我會認為用得Equalizer的人一定係音響高手，正如一個唔識攝影唔識電腦的人唔會去玩執相軟件，識得用可以好有用。Accuphase DG-68將會係6月下旬上市，標價為850,000日元（不含稅）約6萬1千多港幣。