{ SKIP }
文:MenClub 摯樂  圖:互聯網
POSTED ON 03 Jun 2020
【AI搶飯碗】微軟率先解僱網絡編輯交由AI人工智能負責寫新聞出貼文

世界每日進步唔少工作都會隨歷史而消失,就好似巴士售票員同埋打字員已經消失喺歷史洪流當中,下一個被消失的工種可能係網絡甚至新聞編輯。微軟昨日就決定改用AI人工智能代替MSN網站的新聞編輯團隊於網上出文,AI可以勝任相關工作,日後大家睇新聞可能由AI寫標題同整合資訊。其實你地而家睇緊的呢篇文都係由AI人工智能寫出。唔信?下個鐘我地轉另一個AI寫多篇你睇睇。而且「AI」仲識回覆同畀Like,你地又可以試試!

微軟作為科技界巨頭,作出驚人舉動,成為第一間重用AI人工智能而解雇實體員工的大公司。 預計微軟將會喺六月底進行裁員,今次AI成功上位將導致幾十位微軟網絡編輯因此而失業。目前微軟MSN網站新聞,主要是由編輯團隊整合其他媒體報導,重新挑選製作整理圖片再落標題整合而成, 而微軟甚有先見認為以上嘅工作電腦AI人工智能絕對可以勝任,據外電報道英國及美國將會有近80名員工受到影響。

微軟對於今次裁員以及改革表示:「同所有企業一樣我哋會定期評估業務情況,改變也可能令公司增加對某特定領域嘅投資或者導致人員嘅重新安排」據微軟澄清裁員決定並唔係因為肺炎病毒疫情影響,係純粹商業決定。實際上,微軟一早已開始利用AI加速新聞編輯, 現時MSN網站由人工智能接收整合全球十萬條新聞訊息,然後進行AI初步鑑定判斷新舊程度類別題材潛力等等然後再交畀「真人」編輯處理。根據一名被裁員工透露其實半自動化已經運作咗好一段時間,只係今時今日先決定大規模取代人類員工。

有趣嘅係根據2018年底微軟新聞副總裁Darren Laybourn發言曾指出,微軟正正依靠編輯團隊的力量,先可以擺脫假新聞的陰霾,解決同應對網絡平台上氾濫嘅假新聞問題。未來新聞編輯由AI人工智能負責, 其中一個好處係,人工智能並非完美當面對來自政治或任何巨大壓力嘅時候,新聞平台隨時可以指出人工智能原來係會出錯同埋AI「食死貓」絕對無怨言。面對任何巨大勢力不滿評擊施壓最終一定係AI出錯。


人氣搞笑動漫《Keroro軍曹》事隔16年再度回歸,宣布明年再推全新劇場版動畫!今次仲請嚟ano同粗品攜手獻唱新主題曲,各位「愚蠢嘅藍星人」準備好出年入戲院未? iframe width="560" height="315" src="https://ww ...
hobby
【動漫】《Keroro軍曹》全新劇場版2026年夏季上映 ano聯手粗品獻唱主題曲
04 Jul 2025
由Christopher Nolan執導嘅史詩鉅作《The Odyssey(奧德賽)》仲有一年左右先上映,但首部預告片日前已聯同《Jurassic World: Rebirth(侏羅紀世界:重生)》喺北美戲院一齊播出。不過,有觀眾就偷錄咗影片,並上傳 ...
hobby
【影視】Nolan新作《The Odyssey》首部預告已在戲院播出 內容隨即被盜錄公開到網上
03 Jul 2025