由香港重新出發的韓國喪屍大作《屍殺半島》(Peninsula) 又有新預告，香港人好鐘意睇香港如何係電影當中發揮救援作用解救韓國，實際上香港只是出發點。預告見到大量的喪屍，無限屍殺放題，誇張的公路追逐似乎係呢一集最強的影視刺激，再加上未世下死唔去的人類總總可怕同人性醜陋，人比喪屍更可怕，緊張激烈的殺戮和逃亡，未日似乎即將臨到，但又不幸死唔去，如果你每日起來都覺得未日即將來到，大戰即將爆發，真係要入場發洩下爆一下《屍殺半島》生死戰。

前作《屍殺列車》的成功引發今次第二集的《屍殺半島》加碼強勁，已經唔再係逃生，而係殺返去韓國而殺返出走，當然最初目標係偷取美金似乎係「膠力無限」的作為，但面對全韓喪屍同死剩的人類，故事肯定會走向意料之外。今集明顯走向係大規模喪屍大軍、泯滅人性的喪屍放題以及無間斷公路追逐人屍激戰！入場睇刺激感肯定強烈，建議大家搵間音響好的劇院入場。

《屍殺半島》早前公佈的劇情預告正錫（姜棟元 飾）一家將從死城逃至香港以「半島難民」身份重新生活 (而家睇呢樣野都幾諷刺！)，預告片一開就見到香港滿街霓虹燈的景象，一班友係類似港式茶餐廳開會著手返韓國偷美金，然後一重回半島，激烈嘅場面就出曬嚟，電影各場追逐戰氣氛緊張，據韓國方面透露電影中其中一場人屍追逐嘅車戰，一口氣長達20分鐘無間斷拍攝，過程如同親歷其境，緊張萬分！

 除了刺激眼球戰鬥場面外，《屍殺列車》都好有文戲都警世內心戲，話說屍殺列車後４年，喪屍圍城，人類將近滅絕，世界再無秩序、法治、道理可言，絕境下醜陋人性浮現，世界分裂下出現了三組末日下存活的人：成功逃走後重返韓國求財的正錫和他的隊友；一直留守奮力抗爭、以敏貞（李貞賢 飾）為首的生還者；另有一班則是被絕境逼瘋、拒絕苛且偷生，以殺戮、人屍擂台戰鬥為樂，以踐踏同類生命發大財的人。他們到處搜掠生還者，以喪屍放題發出攻擊，更將他們逐個編號，以顯示自己高人一等。其實世界唔係第一次經歷呢種困境，係人類歷史上，上面的情景並唔係咩野新鮮奇事，就算你係未代皇帝都要經歷呢種滅絕人性的時刻。

喪屍可怕、人心更可怕，今集生還者不單止要逃避喪屍，更要避開泯滅人性的同類追捕，保住性命似乎難上加難。有人奮力抵抗、有人消極等待死亡來臨，最後生還者能否避過劫難？重返韓國的「美金硬膠」任務又會否成功？人類又將如何在滿城喪屍、末日降臨的世界中找到生存空間？唔好以為唔關你事，你同我都可能生存緊係咁樣的世界。