日本男星窪塚洋介叛逆戲劇形象深入民心，現實生活中嘅佢亦相當自由奔放！例如佢近日於個人IG上嘅一場直播，就引起Twitter熱議。

ライムスターのB-BOYイズムで更にキマる窪塚洋介さん最高

終盤ややお眠り気味でかわよい#窪塚洋介#卍LINE#ライムスター#RHYMESTER pic.twitter.com/LLWFKWq3eZ

— lil_keyakeya (@keyakipsycho) June 15, 2020

首先，你要知道窪塚洋介並非第一次於IG開深夜直播，而平時直播佢亦經常一邊飲酒食煙，一邊聽歌傾計。而今次亦唔例外，佢由凌晨三點，以半醉嘅狀態開直播，原先就係播下Mr.Children、CHAGE and ASKA、飲下酒講下嘢咁，但意識就越黎越模糊，慢慢開始一路Rap一路盅眼瞓，最後直接喺電話前面瞓著咗，於是直播畫面只係剩返佢個膊頭同頭頂。

流石窪塚洋介 pic.twitter.com/s1ob2UgLOy

— たろやま (@taroya_ma) June 15, 2020

當時有超過1000名觀眾就望住窪塚洋介塊頭皮，一邊於聊天室自己傾計，一邊等待後續發展。大概過咗半個鐘之後，終於等到畫面內嘅窪塚洋介開始郁，但正當觀眾以為佢會醒返繼續直播之時，窪塚洋介似乎完全唔記得自己仲開緊直播，直接起身熄燈入房瞓覺！

皆で朝日を拝める回^_^
主演 : この後登るであろう朝日
副主演 : 白いカーテン
友情出演 : 窪塚洋介 pic.twitter.com/a71ANtzb1Y

— I just do it (@CF0cgNxrFsFvijF) June 15, 2020

於是超過1300名觀眾就望住窪塚洋介屋企個窗，一邊傾下Uniqlo新出嘅涼感口罩，一邊等天光。

窪塚洋介がインスタライブで寝落ち！
放送事故！ww
結末がやばかった！！w pic.twitter.com/8RWBtbtJPy

— 気になる君【公式】 (@KininaruKunn_cm) June 16, 2020

到5點半嘅時候，直播中再次傳出腳步聲，觀眾以為會係窪塚洋介終於醒起自己未熄個直播，但現身嘅竟然係今年16歲，當時應該係起身準備返學嘅窪塚洋介大仔，窪塚愛流！只見佢冷靜而有禮貌咁講咗句「不好意思，我熄直播啦」，然後就將直播關掉，結束呢場持續咗2個半鐘嘅「放送事故」。事後日本網民就表示愛流比起老豆洋介感覺更為可靠。