本年度最受觸目遊戲大作Cyberpunk 2077因為疫情加社運因素又再延期11月先推出，但原訂登場的 9 月份官方有全新的安排，Cyberpunk 2077官方漫畫《創傷小隊》（Trauma Team）即將係 9 月 9 日上市，故事描述夜城內的特殊機動部隊「Trauma Team」。未有機打未見奇洛尼維斯，不如先睇漫畫了解下Cyberpunk 2077的世界觀！

《Trauma Team》由美國漫畫出版商黑馬漫畫（Dark Horse Comics）發行，漫畫主線描寫一隊私人僱傭兵特殊的機動部隊「創傷小隊」，佢地主要任務係救急扶危提供醫療協助，當然係要收足錢先會出動，而創傷小隊也是遊戲當中最具火力與威攝力的組織之一，在 2018 年 E3 預告片中就有創傷小隊強大的火力展示。

根據黑馬漫畫，《創傷小隊》故事女主角叫做 Nadia，佢係創傷小隊中的一名緊急醫療工程師，故事講佢係一次失敗的任務當中成為唯一的生還者，之後Nadia同意繼續執勤之後，隊伍接受左一單撤離護送任務，然而正是此大單任務令 Nadia 的小隊陷入左另一個更加危險的場景當中。詳細就要等佢出，買來睇下先知。

創傷小隊穿著型格墨綠色制服，頭盔則有明顯的紅色「ᛡ」符號。對《Cyberpunk 2077》世界觀有興趣的遊戲迷絕對應該關注漫畫出版後繼的故事發展。至於最受人關注的CD Projekt Red出品《Cyberpunk 2077》遊戲原訂上市日已由 2020 年 9 月 17 日延期至 11 月 19 日，遊戲將登錄 PS4、Xbox One、PC Steam 平台。