依家出門口可以唔帶銀包，可以唔帶電話，但絕對唔可以唔戴口罩。但講真依家戴口罩又熱又焗唔在講，戴得耐耳仔痛都係另一麻煩，市面上亦出現啲輔助工具。而Artpresto就同Zero Studio合作，推出《One Piece》路飛「橡膠橡膠口罩護耳」，仲唔使錢！

因為佢哋實際出嘅，其實係個3D打印圖，只要你免費下載，屋企又有部3D Printer而你又識用，你就可以自己Print呢個「橡膠橡膠口罩護耳」出黎，戴口罩時幫你將兩邊掛繩固定於後腦，咁隻耳仔就唔使痛啦！上埋色仲靚啲添！下？你問咁大隻路飛頂住個腦會唔會唔舒服？唔好理呢啲啦！