Figuarts ZERO嘅超激鬥系列，就係用人物使出必殺技嘅一刻作造形，而呢個系列已經先後出過幾款以《龍珠》人物為主題嘅作品，甚至格比達都唔係第一次出場，但今次推出嘅「Figuarts ZERO 超激戰 超級撒亞人格比達 - 復活的融合」除咗個名長啲之外，隻Figure本身都比上次出嘅更加吸引！

圖片：P-Bandai.jp

同樣以龍珠劇場版《復活的融合 (港譯「冥界超激戰」)》最後，悟空與比達以步法合體成格比達之後，對抗邪念波嘅戰鬥為背景，不過新款就以格比達使出星辰爆裂前嘅準備動作為造型，而且無論係格比達嘅面部表情、肌肉紋理、特效配件、甚至係整體大小(28cm)，都比舊款更加進步，睇落亦更有氣勢。同樣地個價錢亦係有所增長，不過8,250Yen (約HK$600)，都唔算貴，頗為值得入手。

圖片：P-Bandai.jp