中印關系緊張，雖然昨日中國大讓步退兵1公里緩解對峙，但印度對華依然強硬，早前仲公佈國家安全理由禁用59款中國手機App，不過近日台灣就有間科技公司玩美移動跳出來開記者會大喊冤枉，話說旗下玩美彩妝《YouCam Makeup》以及玩美相機《YouCam Perfect》被錯誤列為中國app，台灣玩美移動喊咁口出嚟話自己係名單中唯一台灣公司100％由台灣創造，高呼冤枉「點錯相」，CEO甚至一度用台語大叫：「我們都是台灣來的。」暫時印度方面無理解玩美移動的呼聲，其實想印度解封方法好簡單，我認為易到八張A4紙已經搞掂，問題其實係你想取回印度市場但失去中國市場定堅持食哂兩家茶禮？

印度人做法非常激烈，係全球第一個國家出名單封殺中國手機App， 印度政府指出中國手機程式可能會竊取個人資料、搜習用戶資訊然後回傳中國總部，所以對個人以致國家安全構成危險。因此係6月29日已經宣布禁用59款中國App，當中包含全球強大的《TikTok》（抖音）、《WeChat》《新浪微博》《美圖秀秀》等等程式，超過九成的App都係中國登記，或者係中國開設的公司。

今次苦主玩美移動經營的《YouCam Makeup》（玩美彩妝），係唯一被封殺的台灣App。因此佢地高層昨日就出來開記者會表達澄清說明玩美旗下App遭印度政府禁用始末。事件爆發已成個星期，不過前前後後同台灣政府、印度政府溝通都無法解決，印方依然認為呢間台灣app係中國的或親中的，其中疑點可是係阿里巴巴曾經於2019年注資玩美移動，不過玩美移動強調自己公司8成資金都係本土台灣擁有。CEO就表示可能由於玩美移動的Apps係中國App近年很強勢，中國大紅所以被認為係中國軟件。

玩美移動公司稱其資料儲存系統是放置在亞馬遜AWS位於東京、愛爾蘭及美國奧勒岡州的伺服器，對於資安、穩定性、對外頻寬等，都符合歐盟GDPR以及台灣個資法的標準，公司絕沒有未經過用戶同意，蒐集用戶資料，也不會將個人資料揭露給App服務無關的第三人。至於佢地係中國上海有分公司，玩美移動則指所有國際性App幾乎都必定係中國設立分公司，有一個專門的團隊經營中國市場，因為係中國不能用Google，手機App都必須為中國版和海外版，因此必須中國設立伺服器，但印度用戶用的是海外版，並不會連到中國伺服器。

成為「中國App」隨時會變全球箭靶，因此佢地急於澄清，實際上玩美移動全球App下載次數已達8.5億、其中印度約1.8億次，但據知印度的ARPU（每用戶平均收入）偏低，CEO強調「以印度來講，對玩美營業額影響其實不是那麼大，但要急於澄清，是因為這是一個國際事件，如果造成了全球影響，效應還會繼續擴大。」問題正是被定義為中國app好可能商譽受損影響全球的收益，所以必然小心。

被印度封鎖的59款中國apps