由琴日開始，中國Bandai於微信上公佈因應《高達》動畫播出40週年，將會啟動「高達中國計劃」，並已經開設官網。而去到個官網呢，就叫大家留意7月11日於中國影片平台Bilibili嘅「高達G會發佈會」直播。簡單啲黎講就係其實目前未知所謂「高達中國計劃」究竟係個咩計劃，但台灣方面就有消息指係之前日本台場嘅1:1 RX-78-2將會落戶北京。

截圖自：Facebook

有台灣網民貼出以上圖片，指出高達G會應該係公佈早前擺放於日本台場嘅1:1 RX-78-2將會搬到北京鳥巢附近，更指當初日本方其實有打算以200萬(相信係台幣)賣畀台灣企業，但台灣方話冇位擺而拒絕。

但值得一提嘅係，去返「中國高達計劃」嘅官網，就只係見到個倒數畫面，撳入去嘅發佈會資訊圖亦只見OVA版零式W高達飄浮於 (應該係) 廣州塔前，似乎就同「1:1 RX-78-2」或者北京都冇關係。

截圖自：中國高達計劃官網

而中國網民亦指出，中國手機遊戲「敢達爭鋒對決」(戲稱為「氪金對決」) 都有推送相關發佈會，似乎更有可能係同遊戲相關。

截圖自：Bilibili