Samsung將會係 8 月 5 日舉行正式的Galaxy Buds Live全新耳機發佈會，不過其實已經無任何祕密，近日連官方專用App都忽然係美國（iOS / Android）雙平台上架。呢隻外型新穎狀似「仙豆」的三星耳機基本上已全面呈現眼前，其造型太特別，獨特到大家其實都唔知點戴，App就透過圖文教導用戶正確的配戴方式。其實一早已全面流出，Galaxy Buds Live耳機發佈會仲有咩好講？難道出來大特價大促銷？

三星 Galaxy Buds Live耳機官方 App（iOS / Android）美國就有得下載，根據 App 介紹版面，除左展示出耳機造型，主畫面上的「動態降噪」切換也證實左之前支援降噪功能的傳聞。相信呢個正是Galaxy Buds Live的主力新功能，而今次 Android 手機與 iPhone 用戶都能享受到耳機的主打功能。App 仲有圖文並茂教導用家如何正確配戴耳機。呢個耳機「仙豆」般特別外型，戴上後可以覆蓋全隻耳仔，睇相已基本防噪！ 但睇app就未有發現有「環境音效」功能，即一般耳機透過麥克風增強環境聲音的技術，用於提高配戴者對周遭的警覺性。而Android 版本比 iOS 版本多左幾種功能，包括「尋找我的耳機」、「觸控板」設定等。

三星新一代藍牙耳機感覺已經發佈完成，因為咩料都已經出哂，等住8月5日正式發佈會講多一次。據德國媒體《WinFuture》報導，Galaxy Buds Live 定價為 190 歐元。另外，搭配耳機盒電力，電池續航力分別因應開啟降噪與麥克風常駐功能等有 20 以及28 小時用量。