PS5 今年幾時正式推出其實都未知，但作為浮誇的你已經可以訂定全24K黃金PS5套裝，一展奢華，來自英國的奢侈品牌Truly Exquisite 最近就預告推出PS5 黃金版！鍍金選項24K、鉑金以及18K玫瑰金三種，據Truly Exquisite 透露數量有限全球頂多唔超過100部，售價？買得全金PS5莫需問價錢，暫時未有價格，我只建議錢多的你訂定無死！

如果大家真係好想知價錢幾多錢，比個案例你，過去有另一間公司 Jumbo Electronics 曾經係杜拜推出過純金版的PS4同Xbox One，當時的價格係8,400 英鎊，如今作為黃金PS5會唔會更加貴呢？

而且想第一批收貨開打的遊戲玩家唔駛諗，呢種預訂改裝肯定係要等到PS5上市後先製作改裝，所以唔會成為首批收機人士，但肯定一機在家，盡顯氣派，係一定要擺出來的藝術奢侈品！