《屍殺半島》本來預定7月15日與韓國同步上映，但隨住政府再次命令戲院等娛樂場所由7月15日起停業，《屍》嘅香港上映日期唯有再度延遲，至於延遲到幾時？你唔知我唔知連香港發行商都唔知，所以最新公佈嘅上映時間係「戲院重開之時」！

《屍殺半島》香港發行商安樂電影最新公告，指《屍》會於「戲院重開當日上映」，亦即係話按照目前規定最快於8月11日上映。實際上《屍》早前已經於韓國本土以及台灣等7個亞洲國家上映，網上面亦都已經有相關影評，甚至你要早過香港上映睇到都唔係冇辦法。