根據英國Ofccom (英國通訊管理局) 調查疫情期間英國國民睇電視嘅習慣，除咗發現英國國民睇電視時間比起上年同期多超過30%之外，就係發現推出未夠一年嘅Disney串流平台Disney+ 已經進佔串流平台第三，超出英國Sky嘅Now TV。

Disney+ 近來最受歡迎內容相信係音樂劇《Alexander Hamilton》

據Ofcom調查，全英國新增300萬人訂閱串流平台，總數達1200萬，其中有16%成年人訂閱咗Disney+，令其成為除Netflix (45%) 及Amazon (39%)之後嘅第三大串流平台，其中Disney+於幼兒節目更超越傳統大台BBC嘅 iPlayer。

傳統電視台如BBC及ITV嘅收視亦於疫情期間增長，最高見59%。Ofcom發言人指能提供可信新聞及英國本內容嘅傳統電視台表演良好，但隨住疫情延長、節目製作停頓以及體育賽事暫停，傳統電視台收視亦逐步回落。加上整體市場不景、廣告收益下降，再面對串流平台競爭，英國本土電視台需要更好地展現自己嘅價值。

資料來源：Deadline