8月3日日本東京都31個肺炎病毒檢測站終於實行科技大躍進，用電腦取代傳真機Fax向東京都政府傳送檢測結果。之前好多質疑點解日本東京每日確診個案唔超過300人，其中一個原因係FAX機，都政府疫情對策總部只得2部傳真機每日接受31個都內病毒檢測站的檢測結果，每部傳真機上限處理150人，一個感染者一張A4紙，所以2部fax機每日好難處理超過300人確診。而家日本政府終於開發左網絡電腦系統，數碼傳輸病毒檢測結果。不過大家唔好睇少Fax機，遠至英超幾千萬鎊球員交易文件確認，近到炒個工人姐姐封終止合約信傳畀入境處都仲係靠Fax處理，所以大家唔好忘記傳真機點用。

好多人可能都唔係好信，覺得單野好「農場文」！但是真的，係日本新冠肺炎確診病例係通過傳真機由病毒檢測到醫療機關層層上報，東京新冠疫情對策總部得2部Fax機。所以確診數量就卡住左係300幾上唔到去，而改革的根源係因為5月份東京都政府傳真機傳輸錯誤，導致100幾個確診病例被漏報。政府因而係5月開始就啟用「衛生中心及時訊息共享系統」（HER-SYS），以電腦連線輸入匯報確診個案，整個東京係8月3日先正式通行連接使用取代傳真機！

根據《日本時報》（Japan Times）報導日本官員表示，希望改用數碼方式收集資料能夠強化調查效率，避免通報錯誤或延誤通報的情形發生。不過官員同時擔心，由於東京單日新增確診病例數為全國最多，更換新系統可能增加基層新冠病毒檢測站的工作負擔，改由填表發傳真到要登入新系統電腦輸入資料係好大的新挑戰，而且東京都以外的其他縣府都仲係用緊Fax機！咁你對上一次用傳真機又係幾時呢？定還是傳真機只停留係閃電！閃電傳真機的記憶中！