iPhone嘅拍攝能力不斷提升，甚至直逼專業級嘅攝影器材質素，而過去亦有人真係拎部iPhone黎拍戲 (例如台灣電影《怪胎》)。今次Apple為咗展現iPhone嘅影片拍攝能力，就搵黎奧斯卡得主、曾執導《La La Land》、《Whiplash》、《First Man》等鉅作嘅Damien Chazelle，以iPhone拍出九分鐘嘅「直度」短篇電影《The Stunt Man (特技人)》。

《The Stunt Man》故事係講述由Tom McComas飾演嘅特技人於拍攝一個高處墮下場面時，因為道具出錯而真係面臨死亡，然後人生走馬燈出現，穿梭到默劇片年代，回顧佢整個特技人生涯，特別點出特技人包攬動作電影中最辛苦嘅部份，但最後得到光環嘅卻係出樣嘅男主角嘅無奈。

短短九分鐘由默劇、到西部片、藏寶片、碟戰片，除咗展現iPhone嘅拍攝能力，亦都帶出荷里活動作片嘅演變以及特技人嘅辛酸。再睇埋五分鐘左右嘅製作花絮，了解一下直度影片嘅特色。