於日本《週刊少年Jump》上連載嘅漫畫《act-age新世代演員 (アクタージュ act-age) 》，原作者松木達哉 (筆名マツキタツヤ)日前因猥褻初中女學生被捕，結果今日《Jump》方面正式宣佈《act-age》停止連載。

據NHK日前報導，松木達哉於6月18日晚上8點，踩單車經過日本東京中野區時，從後伸手摸向一名女初中生嘅胸部後逃去，然後又於大約一個小時後於附近以同樣手法猥褻另一位女初中生。日本警方接報後翻查附近嘅閉路電視，最後於8月8日拘捕現年28歲嘅松木達哉。

《Jump》編輯部於8日當晚於官方Twitter上貼出公告，指會認真對待事件，並於得知詳情後作出處理。而於今日下午，《Jump》編輯部再次於官方Twitter上貼出公告，正式宣佈《act-age》會於8月11日發行嘅「36．37合併號」後正式完結。

『アクタージュ act-age』連載終了に関するお知らせhttps://t.co/hCsKndrH2r pic.twitter.com/qZeSFhCUGy

— 少年ジャンプ編集部 (@jump_henshubu) August 10, 2020

值得一提嘅係，松木達哉乃係《act-age》嘅原作，但真係落手畫嘅嗰個係漫畫家宇佐崎代 (宇佐崎しろ)，今次連載中止最無辜就係佢。另外《act-age》早前亦宣佈會舞台劇版，上月進入試鏡過程，但相信都會取消製作。

《act-age》講述講述擁有如天才般演技資質的少女夜凪景，作為一名演員不斷成長的故事。