世事神奇日日新，一套被人鬧爆的電影居然可以收返重來，仲要以萬眾期待雷霆回歸姿態重上，呢套正是DC《正義聯盟》，由於當日導演拍到一大半個女自殺家事困擾，結果換人接手，出來效果大受爭議，日前 DC Fan Dome 活動，DC宣佈原導演Zack Snyder載譽歸來重新剪接，有埋新預告剪出四個鐘頭變四集分拆放 HBO Max 推出，興奮嗎？咪住，大家係咪真係覺得Zack Snyder前作《蝙蝠俠對超人：正義曙光》好好睇先？故事就係緊接蝙蝠俠心境改變組織正義聯盟........

全新剪接Zack Snyder導演版《正義聯盟》有四個鐘咁長，放心將會剪成4集當劇集咁放係HBO Max 台播出。你唔記得《正義聯盟》講咩？先要回憶返《蝙蝠俠對超人：正義曙光》，話說蝙蝠俠因為超人對地球的無私犧牲，產生心靈改變，開始無咁暗黑，仲四圍搵超能力者，同時間蝙蝠俠同神奇女俠得知荒狼連同佢的異魔大軍殺到來地球，就組織埋將水行俠、鋼骨與閃電俠等等，齊心對抗可能毀滅世界的「母盒大戰」。新作2021年就有得睇 (點解會變新作？)！

由於原本喺戲院上映嘅嗰一部《正義聯盟》電影有唔少爭議，備受評擊，今次唔係重拍只靠重新剪接，由原本導演Zack Snyder親自操刀，又會有咩唔同之處？如果真係完全唔同令人眼前一亮就證明一部電影，製作人的作用係至關重要！好多DC狂迷睇來都相當期待！