適逢《魔神英雄傳》推出30週年，除咗有新動畫《魔神英雄傳 - 七魂之龍神丸》，早前於香港都有相關展覽，日本亦曾經於涉谷舉行「魔神英雄傳 & 魔動王展」。最該展最新就會搬去大阪梅田Loft舉行，更會推出 (目前係) 會場限定嘅PLAMAX MS-02G 龍神丸 鍍金Ver.！

鍍金Ver. 其實就係同樣由Max Factory推出、大受歡迎而數次再販嘅「MS-02龍神丸」，只不過變咗鍍金色 (實體都係膠黎)。而由於設計一樣，所以MS-02有嘅，例如軟膠關節、可以使出「登龍劍」嘅高可動，錫紙貼紙之類，呢隻MS-02G通通都有齊。售價就比MS-02貴幾百Yen，即係3636Yen (約HK$266)。目前官方消息話只限會場發售，唔知遲啲會唔會有幾多方法買到啦。